Danieli 5:23 - Wunta Mempori

²³ Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Danieli 5:23 Iomraidhean Croise

Tegagia 14:19

Ka i'amba rumonsoo i Burama, ipotae, ”Po'ineeomo i Burama Doronsoo Ue Ala Anu Tedoa Mantande, Anu Mokogagio langi ka tolino,

Tegagia 2:7

Ka Do'amba Ue Ala weweuo mia inso a awu wita, ka mompuuriakono penaa tuwua a laro engeno. Kanatuumo mia atuu gagi anu tuwu.

2 Mokole 14:10

Omue lano unangiomo Edomi, onaemo kau pompelangka-langkai. Po'undeakonomo ponangimu ka po'iamo i rahamu. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

Ayubi 12:10

nine a ngkae-Do ipo'ia penaano luwuno anu tuwu ka penaano sompo mia?

Ayubi 31:4

Kombake Ondae Ue Ala anu kumitao pesalaaku ka dumoao luwuno pelempaku?

Po'unde-unde 104:29

Tewala Iwunio rupa-Miu, ondae ntededengke; tewala I'alao penaado, ondae memate ka mpekule gagi pampawu.

Po'unde-unde 115:16

Langi atuu langi-Do i Ue, tolino Doweeako ira anano mia.

Po'unde-unde 139:3

Omiu mekokoongakune tempono kupelempa ke mepombole, luwuno pesalaaku Ito'orio.

Po'unde-unde 146:4

Tewala tampula penaano, onae mekule a wita; a oleo koa mbo'u atuu tampulaomo luwuno sinongkano.

Powadi 20:24

Pelempano mia inso ndi Ondae i Ue, ka i'amba kana'umpe mia ka ipokonto'orio sala ntumuwuno?

Yesaya 13:11

A wawontolino Aku sumuloakono wineweuno anu mosa'o, ka a mia mosa'o gauno Aku sumuloakono salado; pompelangka-langkaino mia anu mompelangka-langkai Aku mokompenaa-naao, ka pompelangka-langkaino mia lambaha Aku puduo.

Yesaya 14:13

Omue anu hieno motae i laro aroamu: Aku mewuatako i langi, aku montadeo kadera poparentaaku mewawoio anano wula-Do Ue Ala, ka aku mentoro a wawo ntorukuno pobitaraa-Do anu pabawa, a punsuno torukuno Saponi.

Yesaya 2:12

Hangano Ondae Ueno luwuakoano pakosio asa oleo umewaio luwuno anu mompelangka-langkai umewaio anu tumandeo koroino; – luwuno ta pine'uru-uru –

Yesaya 33:10

Kanandio-andio, Aku mentade, pau-Do i Ue, kanandio-andio, Ongkue mo'ia a mantandeano ntu'u, kanandio-andio, Ongkue pinokomantande!

Yesaya 37:19

ka numaa ira pinesombaido a laro api, hangano ondae komba Ue Ala, butu wineweuno kaeno mia, butu keu ka watu, onaemo ka domempinokotampula.

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 42:5

Kanandiomo pau-Do Ue Ala, Ue, anu mokogagio langi ka wileo, anu tumalesakono tolino saru luwuno anu tuwu i wawono, anu moweeakono penaa a mia anu mo'iangario ka penaa ndi ondae anu mentuwu i wawono:

Yeremia 10:23

Kuto'orio, oo Ue, nine mia nahina pabawano tumantuio sala ntumuwuno, ka mia anu melempa nahina pabawano ka ipatotoo pelempano.

Yeremia 48:26

Weweuomo ka imolangu, hangano onae mompelangka-langkai ndi Ondae i Ue! Moabi ta melundi-lundi a laro kolua-luano, ka onae mbo'u gagi pengingisiado mia.

Yeremia 50:28

Rongeo! Luwuno anu Mpolai ka mia anu mentola inso i wita Babeli aiwa mempauo i Sioni mongkona pombalo-Do i Ue, Ue Alato, pombaloa hangano Raha Mempori-Do.

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Yehesikieli 28:17

Omue mompelangka-langkai hangano tekosimu, ponto'orimu anu mentee uropuo hangano marambamu. I tolino Kupetadiakomu, a luwuno mokole Kupeweengakomu gagi kikitaano matado.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 28:5

Saru pandemu ntu'u mebalu-balu omue mokohadioo kaeamu, ka hangano atuu omue gagi mompelangka-langkai.

Yehesikieli 31:10

Onaemo pu'uno, kanandiomo pau-Do Ue Ala: Hangano onae tuwu ondau, untuno kontasi-tasi i olono laro nseru, ka onae gagi mompelangka-langkai hangano ondauno,

Danieli 11:12

Mansano rumopu ira sorodadu hadio atuu, aroano ta mo'unde. Onae mompepateomo mapasowu-sowu mia, sine nahi ta moroso mpiha.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Habaku 2:4

Menteeano, mia anu mompelang-langkai nahi moleo aroano, sine mia anu mentee ta tuwu hangano pompe'ala-ala.

WINEWEUDO TINENA 17:25

ka mbo'u nahi pinekakaako inso a ngkaeno mia, kana hinao kinere-Do, hangano Ondaemo anu mompowee tuwua ka penaa ka luwuakoano a luwuno mia.

1 KORINTI 8:4

Mongkona mongkaa bau pesomba a lahumoa tomento'orio, ”nahina lahumoa i wawontolino ka nahina Ue Ala susua sangkadio Ondae Ue Ala anu asa-asa-Do.”

1 TIMOTIU 3:6

Onae komba mia anu da sarai itepidi, ka si gagi mompelangka-langkai ka ikonao hukuno i Mosa'o.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,

Puu Mpobitara 16:23

Umarino atuu tepumpu iramo luwuno mokole kota to Pelisiti ira mporame-rame langkai pesomba sinumbele ndi Dagoni, pelahumoaado, ira tedoa pompemaroa. Dompotae, ”Dopeweengakonomo anu pinesombaito ia ngkaeto, i Simeso iwalito.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”