Danieli 5:21 - Wunta Mempori

²¹ Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Danieli 5:21 Iomraidhean Croise

Ayubi 39:5

Kopolioke dumoao opia tehineno hawe ka isompo wulano, ka tumo'orio tempono me'ana?

Yehesikieli 17:24

Luwuno keu a lere ira mento'orio nine Ongkue, Ue, moko'owowao keu anu ondau ka moko'ondauo keu anu owowa, weweuo keu anu tuwu gagi moleu mokari ka weweuo keu anu moleu mokari wali mentumba. Ongkue, Ue, anu pauo ka Aku weweuo.”

Danieli 4:14

Onae mebooli meroku, ipotae: Tuehiomo keu atuu ka poleomo luwuno sampano, rontahiomo leweno ka rawoomo wuano! Po'ineeomo luwuno kondehora mpolai inso i totono ka manu-manu inso a sampa-sampano!

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:22

omiumo atuu ueku, oo mokole. Omiu ueku tetiangiomo langkai ka moroso, marambamiu ueku tetiangi hawe i langi, ka pabawamiu hawe i tompano tolino!

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:26

Parenta ka ipino'inee tu'ono keu atuu pengkonaano poparentaamiu ueku komiu ronga wali uminio umarino imangakuakono nine surugamo anu hinao pabawano.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.