Danieli 5:18 - Wunta Mempori

¹⁸ Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 5:18 Iomraidhean Croise

2 Mokole 25:28

I Ewili-Merodaki mepau momoiko ndi onae ka moweeakono potorono anu lalu mantande sekonopo potorodo luwuno mokole anu perongano i Babeli.

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 7:17

Lambahaa anu wineweuno mepokule umaluo uluno, ka lambahano metii dumunsio taku uluno.

Po'unde-unde 9:2

Aku umunde-unde Ira i Ue tompaano aroaku, aku popauo luwuno wineweu-Miu anu kinohali-haliako;

Po'unde-unde 92:8

Maupo mosa'o gauno mentumba kana ewo, ka mia anu moweweu mosa'o ntetiangi, ira merinopu ranta nahina tampulaano.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Yeremia 27:7

Luwuno tongku ira mpetuundu ndi onae, ka a ana'ueno, ranta ka ihawe tempono witano onaeno mbo'u dompongko'alao hadio tongku ka mokole langkai.

Ponsabangi 3:35

tewala tiano mia pinelengkuako i aro-Do Anu Tedoa Mantande,

Ponsabangi 3:38

Kombake inso a nganga-Do Anu Tedoa Mantande meluarako hapa anu mosa'o ka anu moiko?

Yehesikieli 31:11

ka Kupeweengakonomo a ngkaeno asa mia anu pabawa i olodo luwuno tongku, ka iwineweu menunu saru wineweuno anu mosa'o; Ongkue sumaario.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:19

Ka i'amba mentadeomo i Danieli anu neeno i Beletasasari, tekonto sarai, ka luwuno pinewowolono mokodanggarao. Mepauomo mokole, ”Beletasasari, siimo ipokodanggarako mo'ipi ka pengkonaano atuu!” Sumangki i Beletasasari, ”Ueku, po'ineeomo mo'ipi atuu tiado iwalimiu ka pengkonaano tiado pe'u'uamiu ueku!

Danieli 4:2

Kupemoikoo paleleo luwuno petondoni ka anu kinohali-haliako wineweu-Do Ue Ala anu pabawa ndi ongkue.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

WINEWEUDO TINENA 26:13

borono, oo mokole Ageripa, tempono ntonga oleo kukitao a ntonga nsala atuu wanta anu mewineopo sekono wantano mata oleo, metii inso i langi lumimbu aku saru wali-waliku a mpelempaaku.

WINEWEUDO TINENA 26:19

Onaemo pu'uno, oo mokole Ageripa, a pongkita anu inso i suruga atuu nahi kuhori umewaio.

WINEWEUDO TINENA 7:48

Sine Ondae Anu Lalu Mantande nahi Dopo'ia a laro hapa anu wineweuno kaeno mia, kana anu pinauno nabi:

Winali 32:8

Tempono Ondae anu Tedoa Mantande, montia pusaka a luwuno tongku, tempono Doponsiao luwuno mia, Dopakosio witado luwuno tongku montonda doano luwuno anano i Isaraeli.