Danieli 4:8 - Wunta Mempori

⁸ Poko'ariano i Danieli aiwa me'aro ndi ongkue, i Danieli anu nineeako i Beletasasari montonda neeno pinesombaiku ka anu bukeako penaado pinesombai anu mempori. Ka ku'amba tumutuluakono mo'ipi atuu:

Danieli 4:8 Iomraidhean Croise

Tegagia 41:38

Ka i'amba i Pirao motaeako ira pegawaino, ”Kita koa mpohaweke mia kanandio, asa mia anu bukeako Penaa-Do Ue Ala?”

Yesaya 46:1

Anu pinesombai Bela pinokompetuunduomo, anu pinesombai Nebo pinobangku, luwuno tinahano winawa inula a wawo kondehora, a wawo mpinotuwu, anu hori komiu mewawao, gagiomo inula, gagi tinembi a ngkodehora anu mokendo.

Yesaya 63:11

Ka i'amba nterorambe iramo bawaa-Do a tempo se'eluno, tempono i Musa: Isua Irake anu wawa ira mpewuatako inso a ntahi meronga saru luwuno puu mpopakambi bawaano bembe bimba-Do? Isua Irake anu numaao Penaa-Do anu mempori a laro ngkoroido;

Yeremia 50:2

”Pauomo i olodo luwuno tongku ka paleleomo, wuatako iramo bandera ka paleleomo, si wunio, pauomo: Babeli pinongko'alaomo, Pinesombai Bela pinokoko'ii, i Merodaki tededengke! Luwuno tinahano pinokoko'ii, luwuno lahumoano ntededengke!

Yehesikieli 17:23

A wawo ntorukuno Isaraeli anu ondau onae Aku pahoo, ka imesampa hadio ka mewua gagi keu arasi anu moiko. Luwuno rupano manu-manu ka luwuno anu mepani mpo'ia i totono; ondae mpe'engo-engo i totono luwuno sampano.

Danieli 1:7

Petewawado pegawai langkanae atuu mompowee nee susua ndi ondae: i Danieli ineeakono i Beletasasari, i Hanania ineeakono i Sadaraki, i Misaeli ineeakono i Mesaki ka i Asaria ineeakono i Abenego.

Danieli 2:11

Hapa anu inemamiu ueku mokole tedoa mobea, ka nahina maupo te'asa mia anu polio pauakomiu ueku mokole, sangkadio luwuno pinesombai anu nahi po'ia i olono mia.”

Danieli 2:26

Mesikenoomo mokole ndi Danieli anu meneeako mbo'u i Beletasasari, ”Upolioke pauakune mo'ipi anu kukitaomo atuu ka pengkonaano?”

Danieli 3:14

motaeomo i Nebukanesa ndi ondae, ”Menteeke, hei Sadaraki, Mesaki ka Abenego, nine omiu nahi me'unde-undeo pinesombaiku ka nahi mpesombaio tinaha wulaa anu pinontadeku atuu?

Danieli 4:18

Onaemo mo'ipi anu hinaweku, ongkue, mokole Nebukanesa. Kanandio-andio omue Beletasasari, pauakunemo pengkonaano, hangano luwuno mia anu pande mosongka inso a poparentaaku nahi domempolio pauakune pengkonaano. Sine omuemo anu polio, hangano omue bukeako penaado pinesombai anu mempori!”

Danieli 4:9

Hei Beletasasari, petewawado anu pande mpebali-bali mata! Kuto'orio nine omue bukeako penaado pinesombai anu mempori, ka nine nahina rahasia pinemotungkomu! Onaemo pu'uno, ndiomo tutuluno pongkitano mo'ipi anu hinaweku; tutuluakunemo pengkonaano.

Danieli 5:14

Kurongeomo mongkona omue, nine omue bukeako penaado pinesombai, ka nine ndi omue hinao pompokomengkaa, pinewowolo molino ka ponto'ori mentee anu nahi kana mehano.