Danieli 4:37 - Wunta Mempori

³⁷ Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Danieli 4:37 Iomraidhean Croise

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

Esetere 6:10

Onaemo ka dopetena mokole ndi Hamani, ”Pompari-pari alao sangka ka ngara atuu, kana anu pinaumu atuu, ka weweuomo kanatuu ndi Modekai, to Yahudi anu mentoro a mpewowa langkai langkanae. Maupo te'asa mpali pau si laloo inso a luwuno anu pinaumu atuu.”

Po'unde-unde 119:75

Kuto'orio, oo Ue, nine luwuno songka-Miu moleo, ka nine tekona Ipokongkodei aku.

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 8:4

Tumpa atuudo ira mpomaru a ngkoroimu, a mpalilimu ka a luwuno pegawaimu.”

Yesaya 23:9

Ondaemo Ueno luwuakoano anu putusiakono ka mokongkuramao pompelangka-langkaido luwuno anu maramba, ka mokongkodeio luwuno mia pinelangkai i tolino.

Yesaya 5:16

Sine Ondae Ueno luwuakoano lano tedoa mantande a laro moleoa-Do, ka Ondae Ue Ala anu tedoa mempori mokomengkaao pentoroa-Do a laro menteea-Do.

Yeremia 50:29

Wawa iramo puu pompana umewaio Babeli, luwuno anu mompadii pana! Impekemamo mengkaduo, ka si hina anu tola! Pombalomo ndi onae menunu saru wineweuno, weweuomo ndi onae kana anu wineweuno! Hangano onae mompelangka-langkai ndi Ondae i Ue, ndi Ondae Anu Tedoa Mempori, Ue Alado to Isaraeli.

Yehesikieli 16:56

Komba Sodomoke, akamu anu lalu mongura, gagi wua wiwimu i tempono pompelangka-langkaimu,

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Danieli 4:26

Parenta ka ipino'inee tu'ono keu atuu pengkonaano poparentaamiu ueku komiu ronga wali uminio umarino imangakuakono nine surugamo anu hinao pabawano.

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 5:4

Ondae mpo'inu ka me'unde-undeo pinesombaido inso a wulaa ka salaka, mala, labu, keu ka watu.

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

WINEWEUDO TINENA 17:24

Ondae Ue Ala anu mokogagiomo tolino ka luwuno ihino, Ondae, anu Ondaemo Ueno langi ka tolino, nahi Dopo'ia a laro raha mpesombaa wineweuno kaeno mia,

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 16:7

Ka kurongeo meda pontunua pesomba atuu motae, ”Oo Ue, Ue Ala, Anu Tedoa Pabawa, mentee ka moleo luwuno pobitara-Miu.”

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.