Danieli 4:34 - Wunta Mempori

³⁴ Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 4:34 Iomraidhean Croise

2 Samueli 22:31

Ondae Ue Ala pelempa-Do tedoa moleo. Pau-Do i Ue atuu mempori. Ondae gagi kantado luwuno mia anu mpepekadudui ndi Ondae.

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

1 Tawarika 29:13

Kanandio-andio, oo Ue Alamami, mpontarimakasi kami ndi Omiu ka me'unde-undeo nee-Miu anu langkai.

Ayubi 1:21

Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Po'unde-unde 10:16

Ondaemo mpiha i Ue Mokole ranta nahina tampulaano. Luwuno tongku tampula inso i wita-Do.

Po'unde-unde 102:24

Dopuduomo rosoku a ntonga nsala, ka moko'owowao tinuwuku.

Po'unde-unde 107:15

Po'ineeomo dompontarimakasi ndi Ondae i Ue hangano pompehohawa-Do, hangano luwuno wineweu-Do anu kinohali-haliako a luwuno anano mia,

Po'unde-unde 107:22

Po'ineeomo dompopesombaako pesomba pontarimakasi, ka paleleo luwuno inangga-Do saru mengkokora-kora memawongko!

Po'unde-unde 107:31

Po'ineeomo dompontarimakasi ndi Ondae i Ue hangano pompehohawa-Do, hangano luwuno wineweu-Do anu kinohali-haliako a luwuno anano mia.

Po'unde-unde 107:8

Po'ineeomo dompontarimakasi ndi Ondae i Ue hangano pompehohawa-Do, hangano luwuno wineweu-Do anu kinohali-haliako a luwuno anano mia,

Po'unde-unde 111:7

Moleo ka mentee wineweuno kae-Do. Luwuno parenta-Do moroso,

Po'unde-unde 121:1

Penani mekoho. Mengkita aku ngkoraane a luwuno torukuno; inso isuake ta hawe anu tumulungi aku?

Po'unde-unde 123:1

Penani mekoho. Ndi Omiu kupentombu mengkita, oo Omiu anu mo'ia i suruga.

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 146:10

Ondae i Ue moparenta ranta nahina tampulaano, Ue Alamu, oo Sioni, mapa'api-api inule! Haleluya!

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 66:7

anu moparentaako roso ka mosia anu nahina tampulaano. Mata-Do moposooo luwuno tongku, ka si dompompelangka-langkai anu me'ewa. Sela

Po'unde-unde 7:17

Lambahaa anu wineweuno mepokule umaluo uluno, ka lambahano metii dumunsio taku uluno.

Po'unde-unde 9:2

Aku umunde-unde Ira i Ue tompaano aroaku, aku popauo luwuno wineweu-Miu anu kinohali-haliako;

Po'unde-unde 92:1

Penani po'unde-unde. Penani tiano oleo Saba.

Yesaya 13:11

A wawontolino Aku sumuloakono wineweuno anu mosa'o, ka a mia mosa'o gauno Aku sumuloakono salado; pompelangka-langkaino mia anu mompelangka-langkai Aku mokompenaa-naao, ka pompelangka-langkaino mia lambaha Aku puduo.

Yesaya 2:11

Mia anu mengkita saru mompelangka-langkai ta pine'uru-uru, mia anu mompelangka-langkai ta pinokompetuundu; butu koa Ondae i Ue anu tedoa mantande a oleo atuu.

Yesaya 24:15

”Onaemo pu'uno, pelangkai Iramo i Ue a luwuno wita i sabaano oleo, nee-Do i Ue, Ue Alado to Isaraeli, a luwuno wita i wiwi ntahi!”

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Ponsabangi 3:38

Kombake inso a nganga-Do Anu Tedoa Mantande meluarako hapa anu mosa'o ka anu moiko?

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 4:2

Kupemoikoo paleleo luwuno petondoni ka anu kinohali-haliako wineweu-Do Ue Ala anu pabawa ndi ongkue.

Danieli 4:26

Parenta ka ipino'inee tu'ono keu atuu pengkonaano poparentaamiu ueku komiu ronga wali uminio umarino imangakuakono nine surugamo anu hinao pabawano.

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 4:36

I tempono pinewowolo molinoku mepokule ndi ongkue, mepokule mbo'u ndi ongkue potoro ka marambaku tiano teleleno poparentaaku. Luwuno anu mokowali ira mokole a poparentaa ka anu langkai potorodo me'ungke aku; ongkue pinokule a poparentaaku, tendeano marambaa anu lalu langkai sekono i ndi'ipua wineeako ndi ongkue.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Danieli 9:14

Onaemo pu'uno, Ondae i Ue Dopatindaomo masolaa atuu ka motiiakami. Menteeano, Ondae i Ue, Ue Alamami, moleo a luwuno wineweu-Do, sine omami nahi kimperorongeakono pau-Do.

Yunu 1:14

Ka do'amba mpebooli ndi Ondae i Ue, dompotae, ”Oo Ue si po'inee kami wainto memate hangano penaano mia andio. Si popotembia kami reano mia anu nahina salano, hangano Omiu Ue, moweweu Komiumo kana po'ehe-Miu.”

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

I LUKASI 1:33

ka Ira gagi mokoledo inuleno i Yako hawe nahina tampulaano ka Poparentaa-Do nahina tompaano.”

I LUKASI 18:13

Sine puu popumpu sima'ulu atuu mentade ola-olai, maupo mentombu i langi nahi sapa, tendeano itopao koroino ka ipotae: Oo Ue Ala, Ipehohawa aku mia tehala andio.

I YOHANE 5:26

Hangano mengkena kana Ondae i Ama hinao tuwua a ngkoroi-Do Ondae-Do, kanandio koa mbo'u Doweeako Ira Ana ka ihina tuwua a ngkoroi-Do Ondae-Do.

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

MENGKAAA 10:6

ka ipesumpa a nee-Do anu tuwu ranta nahina tampulaano, anu mokogagiomo langi ka luwuno ihino, ka tolino ka luwuno ihino ka tahi ka luwuno ihino, ipotae, ”Nahi ta pinotulu mbo'u!

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 4:10

ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 4:9

Ka luwuno anu tuwu atuu sompo dompompesombaako po'unde-unde, ka pompelangkai ka pontarimakasi ndi Ondae, anu mentoro a wawo ngkadera poparentaa atuu ka anu tuwu ranta nahina tampulaano,