Danieli 4:32 - Wunta Mempori

³² Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 4:32 Iomraidhean Croise

2 Tawarika 33:13

ka mekakai ndi Ondae. Ka i'amba Ondae i Ue uminduo pekakaino, ka rumongeo po'emano. Onae pinokule i Yerusale gagi mokole. I'akuiomo i Manase nine Ondaemo i Ue Ala.

Ayubi 42:2

”Kuto'orio nine Omiu polio weweuo luwuakoano, ka nahina tinoo-Miu anu nahi gagi.

Ayubi 9:12

Tewala Ondae morontu, isema ta umonsoi Ira? Isema ta kumuahako Ira: Hapa wineweu-Miu?

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Po'unde-unde 135:6

Ondae i Ue Doweweuo hapa anu inehe-Do, i langi ka i tolino, a ntahi ka a luwuno wingke ondalo;

Peluarakoa 8:10

Ipotae i Pirao, ”Tisomo.” Ka i'amba motae i Musa, ”Gagiomo kana pinaumiu atuu, ka ito'orio koa ueku, nine nahina anu kana Ondae i Ue, Ue Ala mami.

Peluarakoa 9:14

Nde pohona andio Aku motolao luwuno pohuku-Ku a ngkoroimu, a mpegawaimu ka palilimu, nde kau to'orio koa, nahina anu kana Ongkue i asa wawontolino.

Peluarakoa 9:29

Ipotae i Musa ndi Pirao, ”Tempono kupeluarako inso i kota andio, aku tumandeo kaeku ndi Ondae i Ue. Rundu ta menaa-naa ka usa uwoi watu nahi ta metii mbo'u, onae ka uto'oriokoa, nine tolino Ondae i Ue me'ueo.

Yesaya 37:20

Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.”

Yesaya 40:15

Menteeano, luwuno tongku onaemo kana asa iti uwoi a laro pontambu ka pinongkena kana asa labano pampawu a neraca. Menteeano luwuno togo nahi torea inso a mobeano awu motutu.

Yesaya 40:17

Luwuno tongku kana nahina i aro-Do, ondae Dotudu ira mooa ka nahina pengkonaano.

Yesaya 45:3

Aku moweeakomu arataa anu tetano ka arataa pompoli anu tewuni, ka uto'orio nine Ongkuemo Ue, Ue Alado to Isaraeli, anu moboiakomu neemu.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 4:31

Napi umari dopepau Mokole teronge asa suara inso i langi, ”Ndi omue pinokomengkaa, oo mokole Nebukanesa, nine poparentaa melimbaomo inso ndi omue.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Yosua 4:24

ka domento'orio luwuno mia i tolino, motae moroso kae-Do i Ue, ka domedoito mpiha ndi Ondae i Ue, Ue Alamiu”