Danieli 4:3 - Wunta Mempori

³ Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 4:3 Iomraidhean Croise

Ayubi 25:2

”Pabawa ka mongkokongiria kongko ndi Ondae, anu tumeahakono manangai a mpo'ianga-Do anu mantande.

Po'unde-unde 104:24

Hadio ntu'u wineweu-Miu, oo Ue, luwuno Ipokogagiakono ponto'ori anu mentee, tolino bukeako pinokogagi-Miu.

Po'unde-unde 105:27

orua ira mokohinao luwuno petondoni-Do i olodo, ka luwuno anu kinohali-haliako i wita Hama:

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Po'unde-unde 66:7

anu moparentaako roso ka mosia anu nahina tampulaano. Mata-Do moposooo luwuno tongku, ka si dompompelangka-langkai anu me'ewa. Sela

Po'unde-unde 72:18

Inunde-unde Iramo i Ue, Ue Alado to Isaraeli, asa-asa-Do weweuo wineweu kinohali-haliako!

Po'unde-unde 77:19

Memuuno rundu-Miu mebanumbu, koliki wantahio tolino, tolino mondidi-ndidi ka leelu.

Po'unde-unde 86:10

Hangano langkai Komiu ka weweu ira anu mengkinohali-haliako, butu koa Omiu Ue Ala.

Po'unde-unde 92:5

Hangano Ipokomawongkoakunemo inangga-Miu, oo Ue, hangano wineweuno kae-Miu aku kokora-kora mo'unde.

Yesaya 25:1

Oo Ue, Omiumo Ue Alaku; aku melangkai Komiu, umunde-undeo nee-Miu, hangano Iweweuomo luwuno tinoo-Miu anu kinohali-haliako, anu mompu'u i ndi'ipua pine'ala-ala ka moroso.

Yesaya 28:29

Anu wela wineweu mbo'u andio te'inso ndi Ondae Ueno luwuakoano; Ondae kinohali-haliako a laro pomputusi ka maramba a laro posongkaa.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Danieli 2:2

Ka i'amba mokole metena moboi ira anu pande mebali-bali mata, pande sihiri, pande mompuu-puuri, ka luwuno Kasidimi, ka domempauakono pengkonaano mo'ipino. Me'aiwa iramo ka mpentade i arono mokole.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

IBARANI 1:8

Sine mongkona Ana mepau Ira, ”Kadera poparentaa-Miu, oo Ue Ala, kongko mpiha motilalo ka nahina tampulaano, ka tuko poparentaa-Miu onaemo tuko menteea.

IBARANI 2:4

Ondae Ue Ala mokorosoo ponsakosiido luwuno petondoni ka anu mengkinohali-haliako ka mperupa-rupa pepokomengkaano pabawa ka pompowee-Do Penaa Mempori, anu tinia-tia-Do montonda po'ehe-Do.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”