Danieli 4:27 - Wunta Mempori

²⁷ Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Danieli 4:27 Iomraidhean Croise

Tegagia 11:4

Mpotae ira mbo'u, ”Aiwamo tompowangu asa kotato ka asa menara anu punsuno hawe i langi. Aiwamo tompo'ungke nee, kasi tontesiarawo i asa wawontolino.”

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

Po'unde-unde 119:46

Aku mepau mongkona luwuno pepopoto'ori-Miu i arodo luwuno mokole, ka nahi aku mokoko'ii.

Powadi 11:2

Tewala hawe pompelangka-langkai, hawe mbo'u pasinggiri, sine ponto'ori anu mentee kongko a mia anu me'urumako.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Yesaya 10:13

Hangano motaeomo, ”Saru rosono kaeku kuweweuomo ka saru pandeku mosongka, hangano ongkue molino pinewowoloku; ku'oniniomo luwuno tida olono tongku, ka momuruo arataa pepatindado, saru roso kupotii iramo mia anu mpentoro a ngkadera poparentaa.

Yesaya 47:10

Omue roodo a laro wineweumu anu mosa'o, potaemu, ”Nahina anu kumita aku!” Pandemu mompewowolo ka ponto'orimu mokontesaako, onaemo ka upotae a laro aroamu, ”Butu ongkue; nahina anu susua i horiku!”

Yesaya 47:8

Onaemo pu'uno, rongeomo andio, hei mia anu tuwu mesana-sanaa, anu rodo mentoro, ka motae a laro aroano, ”Butu ongkue; nahina anu susua i horiku! Nahi aku gagi tuwu beine ka anaku ira mekongko mpiha ndi ongkue!”

Yeremia 29:7

Weweumo manangaiano kota ba isua Kutadi komiu, ka impekakaimo ndi Ondae i Ue tiano kota atuu, hangano manangaiano onaemo manangaiamiu.

Yeremia 38:20

Sumangki i Yeremia, ”Nahi ira mpeweengakomu. Rongeomo pau-Do i Ue mongkona hapa anu kupohaweo ndi omue, ka ta moiko teweweumu ka omue kongko tuwu.

Yehesikieli 18:7

nahi pompokonsii mia susua, mokuleo ginadeno mia, nahi porontu maupo hapa, mompaka mia mokoninggo, moweeakono sangka mia kolambe-lambe,

Yehesikieli 29:3

Pepaumo ka potae: Kanandiomo pau-Do Ue Ala: Menteeano, Ongkue gagi ewaimu, hei Pirao, mokole i Masiri, buaea langkai anu mepombole i tongano luwuno anano koronomu, ka anu motae: Koro Nili atuu ongkue me'ueo. Ongkuemo anu weweuo.

Yehesikieli 29:9

ranta wita Masiri ta gagi boni-boni ka terawo. Ka ira mento'orio nine Ongkuemo Ue. Upotae: Koro Nili atuu ongkue me'ueo, ongkuemo anu weweuo,

Yoeli 2:14

Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Amosi 6:13

Hei omiu, anu memawongko hangano kota Lodabari, ka anu mpotae, ”Kombake hangano rosoto ontaeto tompoko'alao Karanaimi tiato?”

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

Habaku 1:11

Ka do'amba mpopalari kana angi ka mpotilalo mpiha. Ondae mensala hangano mpelahumoaako rosodo.

Sepanya 2:15

Onaemo kota anu mo'unde, palilino merodo ka anu motae i laro aroano, ”Butu ongkue anu kongko, nahina anu susua!” Onae gagiomo ntu'u po'ianga anu londa, pepomboleado kondehora mo'ila. Sompo mia anu lumaloo ta mesiili ka mekambe-kamberoako kaeno.

I MATIU 3:8

Gaagi impoluarakomo wua anu menunu saru tepidia.

I LUKASI 11:41

Sine, impeweengakonomo ihino gagi pontulungi ka menteeano luwuno ta gagi morina ndi omiu.

WINEWEUDO TINENA 24:25

Sine mansano mepau i Paulu mongkona menteea, meteao po'eheno koroi ka pobitaraa anu ta hawe, i Pelikisi gagi doito ka ipotae, ”Sompoomo ari ka kanandio-andio lakomo; tewala hinao tempo moiko, ka ku'amba metena moboiko.”

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 8:22

Gagi tepidimo inso a mpoweweumu anu mosa'o andio ka pekakaimo ndi Ondae i Ue, ka Do'ampuniakomu tinoono aroamu andio;

2 KORINTI 5:11

Kimento'orio hapa pengkonaano doitoako Ira i Ue, onaemo pu'uno ka kimpeteahako mokomanasaako ira mia. Ndi Ondae Ue Ala aroamami mengkaa saru mewine ka kuperorohio aroamami mengkaa koa mbo'u kanandio a mpontimbangamiu.

GALATIA 5:13

Pepaekompo, lano mempinoboi komiumo ka imaradeka. Sine si mempakeo maradekaa andio gagi pompe'umalu ka imentuwu a laro hala, tendeano imemambepekakaako hangano pompehohawa.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

EPESU 4:28

Mia anu monako, siimo mbo'u iponako, sine moikoopo ipo'angga ntu'u ka i'anggaakono kaeno onaeno anggaa anu moiko ka ihina koa ipokompontiaako ira mia memakura.

Winali 24:13

Pokuleomo pe'inia atuu ndi onae i tempono sumoo oleo, kai pokompoturi koa mompake lemba meloeno onaeno ka rumonsoko. Ka omue gagi mentee i aro-Do i Ue, Ue Alamu.

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”

Winali 8:17

Onaemo si mpotae i laro aroamiu: Pabawaku ka rosono kaeku anu weweu aku humaweo pompolia andio.

1 PETURU 4:8

Sine anu lalu i wawono: imemambe pehohawamo ntu'u, hangano pompehohawa tumutuwio hadio ntu'u hala.