Danieli 4:26 - Wunta Mempori

²⁶ Parenta ka ipino'inee tu'ono keu atuu pengkonaano poparentaamiu ueku komiu ronga wali uminio umarino imangakuakono nine surugamo anu hinao pabawano.

Danieli 4:26 Iomraidhean Croise

Danieli 2:18

ka dompo'ema pompehohawa inso ndi Ondae Ue Alano asa wawo langi mongkona rahasia atuu, ka si domempinokotampula i Danieli ka wali-walino meronga mia mponto'ori susua i Babeli.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Danieli 4:15

Sine bintaomo tu'ono a laro wita, tetanggoako rante labu ka mala a ewo mongura i tongampada. Po'ineeomo ka ibahoo tontoru inso i langi ka saru luwuno kondehora mpohawe tiado inso a ewo i tolino!

Danieli 4:23

Mongkona asa mia puu mpodagai anu kinitamiu ueku mokole, asa mia mempori anu metii inso i langi ka mepau: Tuehiomo keu andio ka pepateomo, sine bintaomo tu'ono a laro wita, tetanggoako rante labu ka mala a ewo mongura a mpada. Po'ineeomo ka imobahoako tontoru inso i langi ka ipohawe tiano meronga saru kondehora a mpada, ranta anu kanandio gagi ndi onae i larono opitu tempo.

Danieli 4:31

Napi umari dopepau Mokole teronge asa suara inso i langi, ”Ndi omue pinokomengkaa, oo mokole Nebukanesa, nine poparentaa melimbaomo inso ndi omue.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

I MATIU 21:20

Kumitao anu gagi atuu mengkohali-hali iramo ana guru-Do, ka dompotae, ”Kana'umpe keu ara atuu ka imansa mokari?”

I MATIU 5:34

Sine Kupauakomiu: Osi'i ntu'u impesumpa, moiko mesakosiiako langi, hangano langi po'ianga-Do Ue Ala,

I LUKASI 15:18

Aku mentade lumako ndi ondae amaku ka motaeako ira: Ama, tehala akumo i suruga ka ndi omiu ama,

I LUKASI 15:21

Motae ana atuu ndi onae: Ama, tehala akumo i suruga ka ndi omiu, nami pototoku mbo'u pinotaeako anamiu.