Danieli 4:2 - Wunta Mempori

² Kupemoikoo paleleo luwuno petondoni ka anu kinohali-haliako wineweu-Do Ue Ala anu pabawa ndi ongkue.

Danieli 4:2 Iomraidhean Croise

Ayubi 7:14

onaemo ka Ipodengkeakune ipiku ka modengkeakune linolaro.

Po'unde-unde 51:14

Ipokuleakunemo mawongkoa hangano pongkadudui-Miu, ka Itumboakunemo penaa anu moroso!

Po'unde-unde 65:9

Ka mia anu mpo'ia a luwuno tompano tolino ntengiriakono luwuno petondoni-Miu anu kinohali-haliako; pesabaakoano mo'oru ka telalono tekamburi. Iweweuo kokora-kora mo'unde.

Po'unde-unde 66:16

Aiwamo, rongeomo, hei luwumiu anu doitoako Ira Ue Ala, aku tumutuluo hapa anu wineweu-Do a ngkoroiku.

Po'unde-unde 71:18

hawe mbo'u tempono kumota'u ka mopute wuuku, oo Ue Ala, si binta aku, ka kupaleleo moroso-Miu a luwuno inule anu ta hawe, moroso

Danieli 2:1

A nta'u ko'orua poparentaano i Nebukanesa mo'ipi; sala-laroomo aroano ka nahi pokompoturi.

Danieli 3:26

Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:24

Ndiomo pengkonaano, oo mokole, ka ndiomo pomputusi-Do Anu Tedoa Mantande mongkona omiu ueku mokole:

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 6:27

Meronga andio ongkue mompowee parenta nine a luwuno poparentaa anu pinabawaiku, mia asalakono medoito ka mpondende ndi Ondae Ue Alano i Danieli. Hangano, Ondaemo Ue Ala anu tuwu, anu nahina tampulaano; poparentaa-Do nahi ta tampula ka pabawa-Do nahina tompaano.

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

I YOHANE 4:48

Onaemo ka Dopotaeakono i Yesu, ”Tewala nahi mpongkita petondoni ka anu kinohali-haliako, nahi komiu mpompe'ala-ala.”

Yosua 7:19

Mepauomo i Yosua ndi Akani, ”Anaku pelangkai Ira i Ue, Ue Alado to Isaraeli, ka umangakumo ndi Ondae; pauo ndi ongkue hapa anu wineweumu, silako wunio ndi ongkue.”