Danieli 4:19 - Wunta Mempori

¹⁹ Ka i'amba mentadeomo i Danieli anu neeno i Beletasasari, tekonto sarai, ka luwuno pinewowolono mokodanggarao. Mepauomo mokole, ”Beletasasari, siimo ipokodanggarako mo'ipi ka pengkonaano atuu!” Sumangki i Beletasasari, ”Ueku, po'ineeomo mo'ipi atuu tiado iwalimiu ka pengkonaano tiado pe'u'uamiu ueku!

Danieli 4:19 Iomraidhean Croise

Tegagia 31:35

Ka i'amba i Raheli motaeakono amano, ”Siimo itekuda ama, hangano nahi kupentade i aromiu, hangano tekonai ihawe aku wulaku.” Ipenootio i Laba umungkeo, sine nahi haweo terapi pelahumoaa atuu.

Tegagia 32:18

Sangkiomo, ’Ndio pinotuwuno atamiu i Yako. Ndiomo pompowee anu inoliwi tiamiu ueku Esau, ka i Yako kongko ira i bungkumami.’ ”

Tegagia 40:12

Motae i Yusupu ndi onae, ”Kanandiomo pengkonaano mo'ipi atuu: otolu sampa atuu pengkonaano otolu oleo.

1 Mokole 18:7

Tempono i Obaja a laro pelempaa, itepotowoakono i Elia. Ito'orio, onaemo ka ipenggolontuu mesikeno, ”Omiuke andio ueku Elia?”

Peluarakoa 32:32

Sine kanandio-andio, po'ineeomo kai oninio halado. Tewala naahi, po'ineeomo ipahihio neeku inso a wunta anu binuri-Miu.”

Yeremia 29:7

Weweumo manangaiano kota ba isua Kutadi komiu, ka impekakaimo ndi Ondae i Ue tiano kota atuu, hangano manangaiano onaemo manangaiamiu.

Yeremia 4:19

Adoo, radaku, radaku! Ongkue memoluki mompemahaki! Adoo, rereno huleku! Huleku mondende, nahi kupokomomperodo, hangano kurongeo unino tawuwua, pohio mpetea.

Danieli 1:7

Petewawado pegawai langkanae atuu mompowee nee susua ndi ondae: i Danieli ineeakono i Beletasasari, i Hanania ineeakono i Sadaraki, i Misaeli ineeakono i Mesaki ka i Asaria ineeakono i Abenego.

Danieli 2:26

Mesikenoomo mokole ndi Danieli anu meneeako mbo'u i Beletasasari, ”Upolioke pauakune mo'ipi anu kukitaomo atuu ka pengkonaano?”

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Danieli 4:24

Ndiomo pengkonaano, oo mokole, ka ndiomo pomputusi-Do Anu Tedoa Mantande mongkona omiu ueku mokole:

Danieli 5:12

Hangano penaa nahi kana anu mehano, ponto'ori ka pinewowolo molino anu mokopauo pengkonaano mo'ipi, mosabao luwuakoano anu tewuni, ka mompokomoiko teweweu anu silolonga koongko a mia atuu; onae atuu i Danieli anu doneeakono mokole i Beletasasari. Laluopo kanandio-andio ipinoboi i Danieli ka onae ta pauo pengkonaano!”

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 7:15

Ongkue, i Danieli, te'urense aroaku hangano mongkona atuu, ka luwuno pongkita anu kinitaku atuu mokodanggara aku.

Danieli 7:28

Tompamo i ndi'ai tutuluno, Ndio mbo'u ongkue i Danieli, luwuno pinewowoloku tedoa mokodanggara aku ka gagi aku momite. Sine, mongkona atuu kunaao i laro aroaku.”

Danieli 8:27

Ongkue, i Danieli, mokendo ka gagi mahaki ba'opia oleo tehineno. Ka ku'amba mewangu mo'anggaako ira mokole. Tekokodoho aku hangano pongkita atuu, sine nahi kupokonto'orio.

Habaku 3:10

Kumita Komiu, luwuno torukuno mpondidi-ndidi, uwoi mowo u'uru telalo, uwoi a ondaloano moporongeo unino ka tumandeo kaeno.

1 Samueli 1:15

Sine sumangki i Hana, ”Komba kanatuu, ue, ongkue andio asa beine anu tedoa me'isei aroaku. Nahi kupo'inu anggoro ke inua anu mompokomolangu, sine kuluarakono ihino aroaku i aro-Do i Ue.

1 Samueli 24:8

I Daudi mopoto'oriako ira pau atuu a miano ka nahi eheako ira dome'ewaio i Saulu. I Saulu lumakoomo bintao kunepo atuu motilaloakono pelempaano.

1 Samueli 26:15

Motae i Daudi ndi Abinere, ”Nde nahi tamake omue andio? Isema kana omue i Isaraeli? Tembio kanahi udagaio uemu mokole, hangano asa mia inso a mpalili aiwaomo ta mepate ira uemu mokole?

1 Samueli 3:17

Ipotae i Eli, ”Hapa anu pinau-Do ndi omue? Si wunio ndi ongkue. Ondae Ue Ala Ira humukuko mobea, ke laluaopo mbo'u, tewala mowuniko te'asa mpalimokoa pau inso a luwuno anu pinau-Do ndi omue.”