Danieli 4:14 - Wunta Mempori

¹⁴ Onae mebooli meroku, ipotae: Tuehiomo keu atuu ka poleomo luwuno sampano, rontahiomo leweno ka rawoomo wuano! Po'ineeomo luwuno kondehora mpolai inso i totono ka manu-manu inso a sampa-sampano!

Danieli 4:14 Iomraidhean Croise

Ayubi 24:20

Pe'anakaa kumolupeo, wingo mpemo'ahio, onae nahi rinambe mbo'u; molengkua pinudu kana pu'uno keu.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Yeremia 51:6

Polaimo inso i tonga-tongano Babeli, asalakono sompo mia kumaduduio penaano, ka si merinopu hangano salado! Hangano onaemo andio tempo pombaloa-Do i Ue; Ira mompowee pohuku ndi onae.

Yeremia 51:9

Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

Yehesikieli 31:10

Onaemo pu'uno, kanandiomo pau-Do Ue Ala: Hangano onae tuwu ondau, untuno kontasi-tasi i olono laro nseru, ka onae gagi mompelangka-langkai hangano ondauno,

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 3:4

Mebooliomo meroku asa mia puu pompohawe paudo mokole, ”Kanandio petenado ndi omiu, hei luwuno mia inso a luwuno tongku, suku ka pau:

Danieli 4:12

Leweno ntekokosi, wuano hadio ntu'u, ndi onae hinao kaangado luwuno anu mentuwu. I totono kondehora a mpada mpo'ungke pe'engoa, a sampa-sampano manu-manu i laro meene mpeseno, ka inso ndi onae luwuno anu tuwu mpohawe kaangado.

Danieli 4:23

Mongkona asa mia puu mpodagai anu kinitamiu ueku mokole, asa mia mempori anu metii inso i langi ka mepau: Tuehiomo keu andio ka pepateomo, sine bintaomo tu'ono a laro wita, tetanggoako rante labu ka mala a ewo mongura a mpada. Po'ineeomo ka imobahoako tontoru inso i langi ka ipohawe tiano meronga saru kondehora a mpada, ranta anu kanandio gagi ndi onae i larono opitu tempo.

Danieli 4:29

Hopulu ka orua wula lembuino, tempono onae tekonai melempa-lempa i tambino langkanaeno mokole i Babeli,

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

I MATIU 3:10

Uase tepatindaomo a hakano keu ka sompo keu anu nahi pewua moiko, manasa tinuehi ka tinadi a api.

I MATIU 7:19

Ka sompo keu anu nahi pewuaako wua anu moiko, manasa tinuehi ka pinetadiako a laro api.

I LUKASI 3:9

Tetindaomo uase a hakano keu ka a sompo keu anu nahi pehasiliako wua anu moiko, ta tinuehi ka tinadi a laro api.”

MENGKAAA 10:3

ka ipebooli saru suara meroku mengkena kana singa anu mengaoli. Ka umarino mebooli, opitu rundu atuu moporongeo suarano.

MENGKAAA 18:2

Ka ipebooli saru suara anu meroku, ipotae, ”Tebangkuomo, tebangkuomo Babeli, kota langkai atuu, ka onae gagiomo po'iangado onitu nsa'o ka pewuniado luwuno penaa mokoburu ka pewuniado luwuno manu-manu anu mokoburu ka anu ino'aliaako,