Danieli 4:13 - Wunta Mempori

¹³ Ka i'amba a laro pongkita anu hinaweku a mpoturiaku atuu tengkita asa mia puu mpodagai, asa mia mempori, metii inso i langi.

Danieli 4:13 Iomraidhean Croise

Ayubi 12:24

Ondae pu'uno luwuno petewawa i wawontolino mebulalingo, ka weweu ira ntesaa a mpada malua anu nahina sala.

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Po'unde-unde 89:7

Nde isemake a laro nseru anu mengkena saru Ondae i Ue, anu mengkena kana Ondae i Ue i olono luwuno pinesombai?

Danieli 4:10

Ndio pongkita anu hinaweku a mpoturiaku atuu: i tonga-tongano tolino hinao asa keu anu tedoa ondau.

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:23

Mongkona asa mia puu mpodagai anu kinitamiu ueku mokole, asa mia mempori anu metii inso i langi ka mepau: Tuehiomo keu andio ka pepateomo, sine bintaomo tu'ono a laro wita, tetanggoako rante labu ka mala a ewo mongura a mpada. Po'ineeomo ka imobahoako tontoru inso i langi ka ipohawe tiano meronga saru kondehora a mpada, ranta anu kanandio gagi ndi onae i larono opitu tempo.

Danieli 4:5

Ka ku'amba mohawe mo'ipi anu mokontededengke aku; kolaro-laroku a mpoturiaku ka luwuno pongkita anu kinitaku mokonsalalaro aku.

Danieli 7:1

A nta'u amba-ambano poparentaano i Belesiasari, mokoledo to Babeli, mo'ipiomo i Danieli ka mohawe pongkita a mpoturiano. Ka i'amba burio mo'ipino atuu ka ndiomo tutuluno.

Danieli 7:17

Opaa kondehora langkai atuu onaemo opaa mokole anu ira mpe'umbaako inso i tolino.

Danieli 7:23

Kanandiomo ipotae: Kondehora ko'opaa atuu onaemo poparentaa ko'opaa anu ta kongko i tolino, anu teposisingge inso a luwuno poparentaa ka tumeleo asa wawontolino, lumolandao ka puro-puroo.

Danieli 8:13

Ka i'amba kurongeo asa mia mempori mepau, ka asa mia mempori susua motaeakono anu mepau atuu, ”Hawe opia tempono igagi pongkita mongkona pesomba sompo oleo ka gau mosa'o anu mompepate, mongkona po'ianga mempori anu pineweengako ka sorodadu i langi anu melinolanda?”

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

I MATIU 25:31

”Tewala hawe Ira i Ana Manusia a laro maramba-Do ka luwuno mala'eka mperongaako Ira, ka Ira mentoro a wawo ngkadera marambaa-Do.

I MARAKUSU 1:24

”Hapa ta wineweu-Miu ndi omami, hei Yesu to Nasare? Komiu hawe mepate kami? Kuto'orio isema Omiu: Anu Mempori inso ndi Ondae Ue Ala.”

I LUKASI 4:34

”Hei Omiu, Yesu to Nasare, Komiu aiwa mombioke ndi omami? Nde Komiu aiwa mepate kami? Kuto'orio isema Omiu: Anu Mempori inso ndi Ondae Ue Ala.”

Winali 33:2

Ipotae, ”Ondae i Ue aiwa inso i Sinai ka mesabaako ndi ondae i Seiri, Mewanta inso a torukuno Parani. Aiwa Ira meronga saru bawaa mempori mapasowu-sowu hadiono; i koana-Do tengkita ndi ondae api anu melanga.

YUDASI 1:14

Mongkona mbo'u ondae i Heno, inule ko'opitu inso ndi Adama, mompauomo anu ta gagi, ipotae, ”Menteeano Ondae i Ue hawe saru sowu-sowuno mia mempori-Do,

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.