Danieli 3:6 - Wunta Mempori

⁶ Isema anu nahi penggolontu mesomba, i tempo koa mbo'u atuu ta pinetadiako a laro api anu kolanga-langa!”

Danieli 3:6 Iomraidhean Croise

Tegagia 19:28

Mansano mengkita te'aro i Sodomo ka Gumora, saru a luwuno wita i Lembono Yarade, ikitaomo ahu api inso i tolino membombo i wawono kana ahu api inso a pompokolonoa.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 44:17

Toreano keu atuu iweweuo gagi pinesombai, gagi lahumoano. Onae menggolontu mesombaio ka mekakai ndi onae. Ipotae, ”Tulungi akumo hangano omuemo pinesombaiku!”

Yeremia 29:22

Inso a mpinembasaido onaemo ta tino'ori pau pontotonaa i olodo luwuno mia mentinadi inso i Yehuda anu mekongko i Babeli, kanandio: Po'ineeomo Doweweu komiu i Ue kana i Sedekia ka i Ahabi anu irarami iramo mokole i Babeli a laro api!,

Danieli 2:5

Sumangki mokole a nto Kasidimi atuudo, ”Ku'alaomo pomputusi andio: tewala nahi imempauakune mo'ipi atuu saru pengkonaano, asalakono komiu mebinatu-batu ka rahamiu ta pinobangku gagi howuno anu terawo.

Danieli 3:11

ka nine isema anu nahi penggolontu mesomba, ta pinetadiako a laro api anu kolanga-kolanga.

Danieli 3:15

Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Danieli 3:21

Ka i'amba mia otolu atuu mempinongu, ka saru lemba meloe, saluara, songko, ka sangkado anu susua mempinetadiako ira a laro api anu kolanga-langa.

Danieli 3:7

Onaemo pu'uno, i tempono domerongeo luwuno tongku unino tawuwua, siloli, katapi, geso-geso, gambusu ka mperupa-rupa anu me'uni, mpenggolontu iramo mia inso a luwuno tongku, suku ka pau, ka mpesombaio tinaha wulaa anu pinontadedo mokole Nebukanesa atuu.

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 6:7

Mpopari-pari iramo anu langkai potorodo ka petewawa daera atuudo mpe'aro ndi mokole ka dompotae, ”Oo mokole Dariusu, melai tinuwumiu ueku!

I MATIU 13:42

Luwuno ta pinetadiako a laro api; i ra'aimo ta hina ponsabangia ka ke'ingisia.

I MATIU 13:50

ka do'amba mpetadiako ira mia memosa'o a laro api langkai; i ra'aimo hinao ponsabangia ka ke'ingisia.

I MATIU 4:9

ka ipotaeako Ira, ”Luwuno atuu aku weea-Komiu, tewala menggolontu Komiu mesombai aku.”

I MARAKUSU 6:27

Mopari-pari mokole tumenao asa mia puu mpodagaino ka iparentao umalao uluno i Yohane. Mia atuu lumako ka i'impahio uluno i Yohane a torungku.

MENGKAAA 14:11

Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

MENGKAAA 9:2

Ka i'ungkahiomo pewowano bolo wingke matea atuu, ka i'amba mewuatakoomo ahu inso a bolo atuu kana ahuno awu langkai, ka mata'oleo ka laromeene gagi wongi-wongiako ahuno bolo atuu.