Danieli 3:28 - Wunta Mempori

²⁸ Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 3:28 Iomraidhean Croise

Tegagia 9:26

Ipotae mbo'u, ”Inunde-unde Iramo i Ue, Ue Alano i Semu! Po'ineeomo i Kana'a gagi atano.

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

2 Tawarika 32:21

Ka i'amba Ondae i Ue montena mala'eka anu rumopu ira luwu puu mpetea anu memoroso, mia memota'u ka tadulako sorodadu anu kongko a mpekemaano mokole i Asuri, ranta mo'o'anuno mekule i witano. Ka i'amba ana ngkoroino mepateakono ponai, tempono ipewinsokio rahano pinesombaino.

Esera 1:3

Isema ndi omiu anu tewinso bawaa-Do, po'ineeomo ka Dokongkomio Ue Alano, ka ipepokule i Yerusale, i wita Yehuda, ka iwanguo Raha-Do i Ue, Ue Alado to Isaraeli, Ondae Ue Ala anu mo'ia i Yerusale.

Esera 6:11

Ka i'amba moluarako akumo mbo'u parentaku, isema anu umewaio parenta andio, asa karuno rahano ta binuta, ka karu rahano atuu ta sinonsoako koroino inso i totono. Rahano mbo'u ta rinongka hangano pe'ewano atuu.

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 33:18

Menteeano, mata-Do i Ue te'aro ndi ondae anu doitoako Ira, ndi ondae anu mpomperorohi pompehohawa-Do anu nahi bali,

Po'unde-unde 33:21

Oo, hangano Ondae aroato mawongko, hangano a nee-Do anu mempori tompompe'ala-ala.

Po'unde-unde 34:22

Urasa'oa ta mepateo mia mosa'o gauno, ka isema anu umo'aliaakono mia mentee ta tumembio pohuku.

Po'unde-unde 62:8

Ndi Ondae Ue Ala po'iangano tekaduduiaku ka marambaku; torukuno watu rosoku, pepekaduduiaku ndi Ondae Ue Ala.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 3:25

Ipotae, ”Sine kukitao opaa mia mpelempa-lempa i tonga-tongano api atuu. Nahi domemobela, ka anu ko'opaa atuu tengkita kana anano pinesombai!”

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 6:16

Ka do'amba mia atuudo mpopari-pari mpe'aro ndi mokole ka dompotae ndi onae, ”Ito'oriomo, mokole, nine montonda atorado to Midia ka Peresia nahina pepo'onto ke pompakosi anu linuarakono mokole anu ta pinokobali!”

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

WINEWEUDO TINENA 4:19

Sine dosangki ira i Peturu ka i Yohane, ”Moiko imempakosio omiumiu isuake anu mentee i aro-Do Ue Ala: metenunu ndi omiu ke metenunu ndi Ondae Ue Ala.

WINEWEUDO TINENA 5:19

Sine tempono wongi aasa mala'eka-Do i Ue umungkahio luwuno tondono torungku atuu ka iluarako ira, ipotae,

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

1 KORINTI 13:3

Ka maupo kutia-tiao luwuakoano anu hina ndi ongkue, tendeano meweengakono koroiku ka itinunu, sine nahina pompehohawa, maupo tedei nahina tuduno ndi ongkue.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 11:37

Mewinuno ira, meginaragadi, mempinepateako ponai; mpo'itu-itu ira mpesangkaako kulino bimba ka kulino bembe saru memarasaiako makerea, pompema'iso ka pobobarasai.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.