Danieli 3:27 - Wunta Mempori

²⁷ Luwuno anu wela sumarungkoroi ira mokole, anu mempabawa, luwuno bupati, ka anu mokowali ira mokole a pomparentaa me'aiwa mpepumpu; domengkitao nine koroido mia andiodo nahi kaano api, nine wuu a uludo nahi mo'ai, lemba meloedo nahina tebalino, tendeano maupo woono mana mo'ai nahina ndi ondae.

Danieli 3:27 Iomraidhean Croise

1 Mokole 13:28

Ka i'amba lumako ka ihaweo wata ngkoroino mia atuu anu tepombole a nsala, sekono kalide ka singa mentade i horino wata ngkoroi atuu. Singa atuu nahi kaano wata ngkoroi atuu ka nahi beri-berio kalide atuu.

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Danieli 3:21

Ka i'amba mia otolu atuu mempinongu, ka saru lemba meloe, saluara, songko, ka sangkado anu susua mempinetadiako ira a laro api anu kolanga-langa.

Danieli 6:23

Ondae Ue Alaku montena Iramo mala'eka-Do mokopuo ngangado singa atuudo onaemo ka nahi domebelai aku, hangano mengkaa nahina salaku i aro-Do; ka ndi omiu mbo'u ueku, mokole, nahi kupoweweu anu mosa'o.”

Danieli 6:7

Mpopari-pari iramo anu langkai potorodo ka petewawa daera atuudo mpe'aro ndi mokole ka dompotae, ”Oo mokole Dariusu, melai tinuwumiu ueku!

I MATIU 10:30

Ka omiu, maupo wuu a ulumiu luwuno dinoa.

WINEWEUDO TINENA 26:26

Ondae mokole doto'orio koa mbo'u mongkona luwuno anu pinauku andio, onaemo pu'uno ka kumosia pauo a menteeano ndi ondae. Kupe'ala-alao, nine nahina maupo te'asa inso a luwuno andio anu napi dorongeo, hangano luwuno andio komba gagi a mpo'ianga anu tekansi.

WINEWEUDO TINENA 27:34

Onaemo pu'uno kupatudu komiu, ka impongkaa ari. Mongkona atuu mentudu a ntekaduduiamiu. Nahina maupo te'asa mia i olomiu ta tetadi maupo te'asa ngkeu wuu inso a uluno.”

IBARANI 11:34

mpepateo api anu mongkokongiri. Mentola iramo inso a mata mponai, mpohawe iramo roso a laro molemaa, gagi iramo memoroso a laro mpeteaa ka domensaari iramo bawaano sorodadu susua.