Danieli 3:26 - Wunta Mempori

²⁶ Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Danieli 3:26 Iomraidhean Croise

Tegagia 14:18

I Melekisedeki, mokole i Salemi, mowawa roti ka anggoro; Onae asa mia sando mpesomba-Do Ue Ala Anu Tedoa Mantande.

1 Mokole 8:51

hangano ondae atuu bawaa-Miu ka tia pusaka-Miu anu Iwawa iramo mpeluarako inso i wita Masiri, inso i tongano awu pompokolonoa labu.

Esera 5:11

Ndiomo sangkido ndi omami, ’Omami andio, tetenaa-Do Ue Ala anu me'ueo langi ka wawontolino, ka wali kami mewanguo raha, anu winanguomo mapata'u-ta'u telalo, anu winanguomo ka ipoko'umario asa mokole langkai i Isaraeli.

Po'unde-unde 66:12

Ipo'inee iramo mia ntelaloio ulumami, mpolalo kamimo api ka uwoi; sine Iluarako kamimo ka mompowee koloaa.

Yesaya 28:16

Onaemo pu'uno, kanandiomo pau-Do i Ue Ala, ”Menteeano, Kupontoroo asa watu i Sioni gagi pundasino, asa watu anu moroso, watu siuno anu masuli olino, asa pundasi anu moroso: Isema anu mompe'ala-ala, nahi ta danggara!

Yesaya 52:12

Mentee ntu'u, nahi komiu memadara mpeluarako ka melako mpolai hangano Ondae i Ue Ira melempa i aromiu, ka Ondae Ue Alado to Isaraeli Ira gagi pokotompaano baresimiu.

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 4:2

Kupemoikoo paleleo luwuno petondoni ka anu kinohali-haliako wineweu-Do Ue Ala anu pabawa ndi ongkue.

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

Danieli 6:21

Mansano hawe umpeda aa atuu, mebooliomo ndi Danieli saru suara mongkoko'undu. Ipotae ndi Danieli, ”Danieli, tetenaa-Do Ue Ala anu tuwu, Ondae Ue Alamu anu wela pinesombaimu, Dopolioke motolako inso a singa atuudo?”

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

WINEWEUDO TINENA 16:17

Itonda bungku kami i Paulu ka ipebooli, ipotae, ”Mia andiodo tetenaa-Do Ue Ala Anu i Wawono ntu'u. Domempaleleakomiu sala ntekaduduia.”

WINEWEUDO TINENA 16:37

Sine ipotaeako ira i Paulu mia atuudo, ”Omami to Roma nahi domensikeno kami domensepi kamimo, ka do'amba mpetendeakami a laro torungku. Kanandio-andio ira meluarako kami mpenoro-noro? Si kanatuu! Po'ineeomo ka dome'aiwa ondaedo ka dowawa kami meluarako.”

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Yosua 3:17

Sine sando mpesomba mpontande burua pedandia-Do i Ue atuu kongkodo mpetade ia wita motu'i, i tongano koro Yarade, ka luwudo to Isaraeli mpesakiako ira ia wita motu'i, ranta luwudo tongku atuu pokompesakiako ira ia koro Yarade.

Yosua 4:10

Luwudo sando mpesomba anu mpontande burua pedandia mpentade ira mpiha i tongano koro Yarade, ranta ka i'umari wineweu luwuno anu Dotenaakono i Ue ndi Yosua ka domempinauako a tongku atuu, menunu kana petenano i Musa ndi Yosua. Umari atuu mpopari-pari iramo tongku atuu mpesakiako.

MENGKAAA 19:5

Ka terongeomo aasa suara inso a ngkadera poparentaa atuu, ”Unde-unde Iramo Ue Alato, hei omiu luwuno tetenaa-Do, omiu anu medoitoako Ira, moiko kodei maupo langkai!”