Danieli 3:25 - Wunta Mempori

²⁵ Ipotae, ”Sine kukitao opaa mia mpelempa-lempa i tonga-tongano api atuu. Nahi domemobela, ka anu ko'opaa atuu tengkita kana anano pinesombai!”

Danieli 3:25 Iomraidhean Croise

Ayubi 1:6

I asa oleo me'aiwa iramo ana nsuruga mpe'aro ndi Ondae i Ue ka i olodo aiwa mbo'u i Mosa'o.

Ayubi 38:7

i tempono anano wula umpeda meene mpeboo-booli mperonga-ronga, ka luwuno ana-Do Ue Ala mpebooli mawongko?

Ayubi 5:19

Inso a onoo rupa ma'isoa omue Dopotolako; ka i larono opitu rupa omue nahi konako urasa'o.

Po'unde-unde 34:7

Mia anu tepokonsii andio mebooli, ka Dorongeo i Ue, Ondae kumaduduio inso a pompema'isono.

Powadi 30:4

Isemake anu mewuatako i suruga ka i'amba metii? Isemake anu pumpuomo angi a laro kungkuno? Isemake anu montongoomo uwoi a nsawu? Isemake anu pakosiomo luwuno tompano tolino? Isema neeno ka isema neeno anano? Omiu manasa tumo'orio!

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yeremia 1:19

Ira mpeteaakomu, sine nahi ira menangiko, hangano Ongkue kumongkomiko ka utola, kanandiomo pau-Do i Ue.”

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Yeremia 15:21

Aku motolako inso a ngkaedo mia mpoweweu mosa'o ka motolako inso a pokungkudo mia melambaha.”

Danieli 3:18

Sine ande-andeno naahi, moikoano ka ito'orio ueku, oo mokole, nine nahi kami me'unde-undeo pinesombaimiu ueku, ka nahi kami mpesombaio tinaha wulaa anu pinontademiu atuu ueku.”

Danieli 3:24

Ka i'amba mokole Nebukanesa tededengke; onae mompari-pari mentade ka ipotaeako ira anu mokowali ira moparenta, ”Kombake mia otolu anu tompetadiako iramo a laro api kongko pongu?” Domesangkio mokole, ”Mentee, mokole!”

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 6:23

Ondae Ue Alaku montena Iramo mala'eka-Do mokopuo ngangado singa atuudo onaemo ka nahi domebelai aku, hangano mengkaa nahina salaku i aro-Do; ka ndi omiu mbo'u ueku, mokole, nahi kupoweweu anu mosa'o.”

I MARAKUSU 16:18

ira mpo'ini ule, ka maupo dompo'inu rasu pompepate, nahi ira memasola; ka ira medampoakono kaedo a mia mahaki, ka mia atuu ta tompa.”

I LUKASI 1:35

Sumangki mala'eka atuu, ”Penaa Mempori ta metii ndi omue ka pabawa-Do Ue Ala Anu Lalu I Wawono ta umengoiko; onaemo pu'uno ana anu ta pine'anaako atuu ta pinau mempori, Ana-Do Ue Ala.

WINEWEUDO TINENA 28:5

Sine i Paulu metapisakono ule atuu a laro api, ka onae nahi pompemahaki maupo tedei.

ROMA 1:4

ka montonda Penaa, memporia pinokomengkaa a mpewangu-Do inso i olodo mia mate, nine Ondaemo Ana-Do Ue Ala anu pabawa, i Yesu Kerisituu Ueto.

1 PETURU 3:13

Ka isemake anu ta moweweu mosa'o ndi omiu, tewala memokua komiu mpoweweu moiko?