Danieli 3:17 - Wunta Mempori

¹⁷ Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 3:17 Iomraidhean Croise

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 18:14

Hinaoke te'asa anu nahi ta gagi ndi Ondae i Ue? A tempo anu pinakosiomo atuu, ta'u ramai, Aku wali tepohaweakomu. A tempomo atuu i Sara hinao anano asa ana ntama.”

Ayubi 34:29

Tewala Ondae merodo-rodo, isema ta mohuku? Tewala Dowunio rupa-Do, isema ta kumita Ira? Ondae umatorao aasa tongku maupo nte'o'asa mia

Ayubi 5:19

Inso a onoo rupa ma'isoa omue Dopotolako; ka i larono opitu rupa omue nahi konako urasa'o.

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Po'unde-unde 37:39

Mia mentee Dokaduduio i Ue; pepekaduduiado i tempono ma'isoa;

Po'unde-unde 37:40

Ondae i Ue montulungi ka motola ira, Ondae motola ira inso a ngkaeno mia mosa'o gauno ka kumadudui ira, hangano mpepekadudui ira ndi Ondae.

Po'unde-unde 73:20

Kana mo'ipi i tempono mewangu, oo Ue, tempono Ipentade, rupado Ipekodeio.

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 54:14

Omue kotineahako a menteea. Omue ko'olai inso a porontua, hangano omue siimo doito mbo'u, ka omue ko'olai inso a doitoa, hangano onae nahi ta umpedaakomu.

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Yeremia 15:20

A tongku andio Aku weweuko gagi rere watu anu mebente inso a mala. Ira mpeteaakomu, sine nahi ira menangiko, hangano Ongkue kumongkomiko ka utekadudui ka motolako, kanandiomo pau-Do i Ue.

Yeremia 15:21

Aku motolako inso a ngkaedo mia mpoweweu mosa'o ka motolako inso a pokungkudo mia melambaha.”

Danieli 3:26

Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

Danieli 6:16

Ka do'amba mia atuudo mpopari-pari mpe'aro ndi mokole ka dompotae ndi onae, ”Ito'oriomo, mokole, nine montonda atorado to Midia ka Peresia nahina pepo'onto ke pompakosi anu linuarakono mokole anu ta pinokobali!”

Danieli 6:23

Ondae Ue Alaku montena Iramo mala'eka-Do mokopuo ngangado singa atuudo onaemo ka nahi domebelai aku, hangano mengkaa nahina salaku i aro-Do; ka ndi omiu mbo'u ueku, mokole, nahi kupoweweu anu mosa'o.”

Danieli 6:27

Meronga andio ongkue mompowee parenta nine a luwuno poparentaa anu pinabawaiku, mia asalakono medoito ka mpondende ndi Ondae Ue Alano i Danieli. Hangano, Ondaemo Ue Ala anu tuwu, anu nahina tampulaano; poparentaa-Do nahi ta tampula ka pabawa-Do nahina tompaano.

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

I LUKASI 1:37

Hangano ndi Ondae Ue Ala nahina anu nahi ta gagi.”

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

2 KORINTI 1:10

Inso a matea anu tedoa mongkokongiri Dokadudui kamimo ka Ira kumadudui kami: ndi Ondae kipomperorohi, nine Ira kumadudui kami mbo'u,

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

1 Samueli 17:37

Ipotae mbo'u i Daudi, ”Ondae i Ue anu motola akumo inso a kukuno singa, ka kukuno berua, Ondae koa mbo'u ta motola aku inso a ngkaeno to Pelisiti atuu.” Ipotae i Saulu ndi Daudi, ”Lakomo! Ondae i Ue kumongkomiko.”

1 Samueli 17:46

Oleo andio Ondae i Ue Ira meweengakomu a ngkaeku ka aku mepateko ka aku poleo ulumu. Oleo koa mbo'u andio wata ngkoroido sorodadu to Pelisiti aku weeako ira manu-manu i laro meene ka kondehora mo'ila, ka domento'orio asa wawontolino nine to Isaraeli hinao Ue Alado.