Danieli 3:15 - Wunta Mempori

¹⁵ Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Danieli 3:15 Iomraidhean Croise

2 Mokole 18:35

Isemake i olodo luwuno pinesombaido susua a luwuno wita atuu anu motolaomo witado inso a ngkaeku, ranta Dopolio i Ue motolao Yerusale inso a ngkaeku?”

Peluarakoa 32:32

Sine kanandio-andio, po'ineeomo kai oninio halado. Tewala naahi, po'ineeomo ipahihio neeku inso a wunta anu binuri-Miu.”

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 2:9

tewala nahi imempolio mempauakune mo'ipi atuu, asalakono hinao asa pohuku tiamiu. Kuto'orio nine ntepo'asa komiumo komiu mpompau ndi ongkue mongkona anu nahi mentee ka mosa'o, ranta ka ibali teweweuno. Onaemo pu'uno imentutuluakunemo mo'ipi atuu, ka kuto'orio, nine imempolio koa mbo'u mempauakune pengkonaano.”

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 6:16

Ka do'amba mia atuudo mpopari-pari mpe'aro ndi mokole ka dompotae ndi onae, ”Ito'oriomo, mokole, nine montonda atorado to Midia ka Peresia nahina pepo'onto ke pompakosi anu linuarakono mokole anu ta pinokobali!”

Danieli 6:20

Mo'o-mo'oru ntu'u tempono tebosi towea, mokole mewangu ka mompari-pari lumako a aano singa.

I MATIU 10:19

Tewala dompeweengakomiu, si mensalalaro mongkona ba kana'umpe ka mongkona hapa anu, asalakono komiu pompau, hangano luwuno atuu komiu mewineeako i tempo koa mbo'u atuu.

I MATIU 27:43

Onae momperorohi ndi Ondae Ue Ala: po'ineeomo Ondae Ue Ala kumadudui Ira, tewala Dopemoikoo! Hangano motaeomo: Ongkue Ana-Do Ue Ala.”

I MARAKUSU 13:11

Ka tewala mewinawa komiu ka pineweengako, si mensalalaro ta hapa anu asalakono komiu mempauo, sine imempauomo hapa anu imewineeako i tempo koa mbo'u atuu, hangano komba omiu anu mpepau tendeano Penaa Mempori.

I LUKASI 12:11

Tewala mia mompo'arokomiu a luwuno majelisi ke a luwuno anu mpeparenta ka anu mempabawa, siimo imensala-laro ba kana'umpe ke hapa anu asalakono komiu mempauo umalaakono koroimiu.

I LUKASI 13:9

bara'ura ta'u ramai ipewua; tewala naahi, ituehiomo!”

WINEWEUDO TINENA 4:19

Sine dosangki ira i Peturu ka i Yohane, ”Moiko imempakosio omiumiu isuake anu mentee i aro-Do Ue Ala: metenunu ndi omiu ke metenunu ndi Ondae Ue Ala.

WINEWEUDO TINENA 5:29

Sine i Peturu ka tinena atuudo mesangki, dompotae, ”Asalakono ka laluaopo toperorongeako Ira Ue Ala sekonopo a mia.

WINEWEUDO TINENA 6:15

Luwuno mia anu mpentoro a nterisoa Pobitaraa agama atuu mekokontoo i Setepanu, ka do'amba mengkitao rupano i Setepanu mengkena kana rupano aasa mala'eka.