Danieli 2:49 - Wunta Mempori

⁴⁹ A mpo'emano i Danieli, mokole meweengakono poparentaa i wita Babeli ndi Sadaraki, Mesaki ka ndi Abenego, sine i Danieli mo'ia a langkanaedo mokole.

Danieli 2:49 Iomraidhean Croise

Esetere 2:19

I tempono luwuno ana beine pinumpu anu kompenduano, i Modekai mentoro a mpewowa langkai a langkanaedo mokole.

Esetere 2:21

I tempo atuu i Modekai mentoro a mpewowa langkai langkanaedo mokole, mahakiomo aroano i Bigitani ka i Teresi, orua ira sida-sida mokole anu tewinso bawaa puu mpodagai pewowa, ka do'amba montoo, ira mepateo mokole Ahasiwero.

Esetere 3:2

Ka luwuno pegawaido mokole anu a mpewowa langkai langkanaedo mokole, mpenggolontu mpesomba ndi Hamani, hangano kanatuumo peparentado mokole mongkona onae, sine i Modekai ka penggolontuu ka mesomba.

Powadi 28:12

Tewala mia mentee monangi, hadioomo po'unde-undedo mia, sine tewala mia mosa'o gauno mohawe pabawa, mia mpewuni.

Yeremia 39:3

Mehawe iramo mia pinemota'uno mokole i Babeli atuu, ka do'amba mpo'ala po'ianga a mpewowa langkai i tongano. Ondae onaemo i Neregali-Sareseri, anu langkai potorono inso i Sini-Magiri, asa mia tadulako, ka i Nebusasibani, petewawa langkanae, ka luwuno petewawa sorodadu susuano inso ndi mokole i Babeli.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 1:7

Petewawado pegawai langkanae atuu mompowee nee susua ndi ondae: i Danieli ineeakono i Beletasasari, i Hanania ineeakono i Sadaraki, i Misaeli ineeakono i Mesaki ka i Asaria ineeakono i Abenego.

Danieli 2:17

Ka i'amba i Danieli mekule ka ipauo mongkona atuu ndi Hanania, ndi Misaeli ka ndi Asaria wali-walino,

Danieli 3:1

Mokole Nebukanesa moweweu asa tinaha wulaa, mantandeno nomo pulu hiku ka maluano onoo hiku anu pinontadeno i lembono Dura i wita Babeli.

Danieli 6:2

Ka i'amba i Dariusu mompotoro asa etu ka rua pulu petewawa daera a mpoparentaano. Ondae ira meninaa a luwuno poparentaa;

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.