Danieli 2:48 - Wunta Mempori

⁴⁸ Ka i'amba mokole melangkaio i Danieli ka moweeakono hadio pompowee langkai, saru mokogagio anu pabawaio luwuno wita Babeli ka luwuno mia pande mosongka i Babeli.

Danieli 2:48 Iomraidhean Croise

2 Samueli 19:32

I Barisilai mota'uomo ntu'u, halu pulu nta'u tinuwuno. Ipatindao kaanga tiado mokole tempono dopo'ia i Mahanai, hangano onae mia tedoa mompoli.

2 Mokole 5:1

I Na'ama, tadulako sorodaduno mokoledo to Arami, onaemo mia tinudu i arono ueno ka tedoa pinelangkai, hangano molalo onae Ondae i Ue moweeako iramo ponangiado to Arami. Onae asa mia sorodadu anu moroso ka mosia, sine merurungkoako haki lowe.

Ayubi 1:3

Onae hinao bawaa bembe bimbano pitu nsowu, unta tolu nsowu, sapi lima nsowu pasa, kalide waino lima etu ka tedoa hadio atano. Onae mia anu lalua mompoli i olodo luwuno mia i sabaano oleo.

Yeremia 5:5

Moikoomo aku lumako a luwuno mia langkai potorodo, ka mepau ndi ondae, hangano ondae anu mento'orio sala-Do i Ue, songka-Do Ue Alado.” Sine maupo ondae luwudo mempuduomo mbo'u pasanga, me'otuhio luwuno koloro pontanggo.

Danieli 2:6

Sine, tewala imempolio mempauakune mo'ipi atuu saru pengkonaano, komiu mpontarima inso ndi ongkue ihingkae, luwuno pompowee, ka pontudu anu langkai. Onaemo pu'uno, imempauakunemo mo'ipi atuu saru pengkonaano!”

Danieli 3:1

Mokole Nebukanesa moweweu asa tinaha wulaa, mantandeno nomo pulu hiku ka maluano onoo hiku anu pinontadeno i lembono Dura i wita Babeli.

Danieli 3:12

Sine, i Sadaraki, i Mesaki ka i Abenego, ba opia ira to Yahudi anu pinakosimiumo ueku ka dompopareta i wita Babeli, nahi domperioo parentamiu ueku, oo mokole. Nahi dome'unde-undeo pinesombaimiu ueku ka nahi dompesombaio tinaha wulaa anu pinontademiu ueku.”

Danieli 3:30

Ka i'amba mokole moweeako ira i Sadaraki, i Mesaki ka i Abenego pentoroa mantande i wita Babeli.

Danieli 4:6

Moluarako akumo parenta a luwuno mia anu pande mosongka i Babeli ka domewinawa mpe'aro ndi ongkue, ka domempauakune pengkonaano mo'ipi atuu.

Danieli 4:9

Hei Beletasasari, petewawado anu pande mpebali-bali mata! Kuto'orio nine omue bukeako penaado pinesombai anu mempori, ka nine nahina rahasia pinemotungkomu! Onaemo pu'uno, ndiomo tutuluno pongkitano mo'ipi anu hinaweku; tutuluakunemo pengkonaano.

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

Danieli 5:16

Sine, kurongeomo mongkona omue nine omue polio mompau pengkonaano mo'ipi ka polio mompoko'umari anu nahi silolonga. Onaemo pu'uno, tewala upokobasao binuri atuu ka mokopauakune pengkonaano, ndi omue ta pinokona sangka inso a nsawu wungo ka a we'umu ta pinopo'enuako rante wulaa, ka a mpoparentaaku andio omue ta hina pabawamu gagi mia ko'otolu.”

Danieli 5:29

Ka i'amba a mpetenano i Belesiasari sangka inso a nsawu wungo pinokonaako i Danieli ka rante wulaa pimopo'enuako a we'uno, ka pinaleleomo mongkona onae nine onae ta hinao pabawano gagi mia ko'otolu a mpoparentaa.

Danieli 5:7

Ka do'amba mokole mebooli meroku ka domewinawa mpe'aro mia anu pande mpobasa-basa, luwuno Kasidimi ka anu mpompau anu nahi manasa ta gagi. Mokole motaeako ira mia anu pande mposongka i Babeli atuu, ”Sompo mia anu mokobasao binuri andio ka ipauakune pengkonaano, ndi onae ta pinokonaako sangka inso a nsawu wungo, a we'uno ta pinopo'enuako rante wulaa, ka a mpoparentaaku onae ta hinao pabawano gagi mia ko'otolu.”

Danieli 8:27

Ongkue, i Danieli, mokendo ka gagi mahaki ba'opia oleo tehineno. Ka ku'amba mewangu mo'anggaako ira mokole. Tekokodoho aku hangano pongkita atuu, sine nahi kupokonto'orio.

Podoaa 24:11

Kanandio-andio pekulemo a mpo'iangamu! Hieno kupotaeakomu nine aku tedoa melangkaiko, sine Do'onto komo i Ue humaweo.”

1 Samueli 17:25

Dompotae to Isaraeli, ”Imengkitaomoke mia meluarako arau? Onae aiwa me'uru-uru kita to Isaraeli. Isema anu mepateo, ondae mokole mokokaeao langkai, mokole ta meweengakono anano beine ndi onae ka pe'asa rahano nahi ira mpo'owahi sima'ulu i Isaraeli.”

1 Samueli 2:8

Dopokoroso ira mia molema inso a ntebobarasaiado, ka Dotande ira mia mongkokolaro inso a marasaiado, ka Dompontoro ira saru luwuno ulea mokole, ka mpohawe ira pentoroa anu pinelangkai. Nde Ondae i Ue pu'uno wawontolino, i wawono Donaao wawo wita.

1 Samueli 25:2

Tempo atuu hinao asa mia tama i Maoni, anu hinao pompakambiano pinotuwu i Karameli. Mia atuu tedoa kaea, bimbano tolu nsowu ka bembeno asa nsowu. Onae kongko i Karameli tempono pogontia wulu bimbano.