Danieli 2:47 - Wunta Mempori

⁴⁷ Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 2:47 Iomraidhean Croise

Tegagia 41:39

Motae i Pirao ndi Yusupu, ”Hangano Dopauomo Ue Ala luwuno andio ndi omue, nahina maupo te'asa mia anu molino pinewowolono ka pande mosongka kana omue.

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

Ayubi 12:19

Luwuno sando mpesomba Dowawa Ira kokaru-karu, ka anu moroso Dolundio.

Po'unde-unde 136:2

Pontarimakasimo ndi Ondae Ue Alado luwuno pinesombai! Menteeano ranta nahina tampulaano pompehohawa-Do.

Po'unde-unde 136:3

Pontarimakasimo ndi Ondae Ueno luwuno pe'uea! Menteeano ranta nahina tampulaano pompehohwa-Do.

Po'unde-unde 72:11

Po'ineeomo luwuno mokole mpenggolontu mpesomba ndi onae, ka luwuno tongku ntepe'ata ndi onae.

Po'unde-unde 82:1

Penani po'unde-undeno i Asapi. Ondae Ue Ala mentade a nterisoa suruga, i olodo pinesombai Ondae mobitara,

Po'unde-unde 96:4

Hangano Ondae i Ue tedoa langkai ka tedoa inunde-unde, mongkokongiri Irapo sekono luwuno pinesombai.

Yehesikieli 26:7

Hangano, kanandiomo pau-Do Ue Ala: Mentee ntu'u, Aku wawao i Nebukanesa, mokole i Babeli inso i utara, mokoledo luwuno mokole, ka i'ewaio Tirusi mompake ngara, kareta, sorodadu mpengara, ka tepumpuno sorodadu anu hadio.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 2:22

Ondaemo anu mosabao luwuakoano anu nahi kinookoo ka tewuni. Ondae tumo'orio hapa anu kongko a laro wongi-wongi, ka mewine kongko ndi Ondae.

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:29

Kontongaamiu ueku a mpoturia, oo ueku mokole, me'umbaakoomo pinewowolomiu mongkona hapa anu ta gagi lembuino. Ondae anu mosabao luwuno rahasia pauakomiumo ueku hapa anu ta gagi.

Danieli 2:30

Kanatuumo ongkue, rahasia atuu pinosabaomo ndi ongkue, komba hangano ponto'ori mentee anu kongko ndi ongkue lumaloio ponto'ori mentee a luwuno mia anu tuwu, sine ka ipinau pengkonaano ndi omiu ueku mokole, ka ito'orio luwuno pinewowolomiu ueku.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Danieli 3:15

Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

1 KORINTI 14:25

Luwuno anu tewuni i laro aroano ta gagi mengkaa, onaemo ka ta menggolontu mesombai Ira Ue Ala ka mangaku, ”Mentee ntu'u, Ondae Ue Ala kongko Ira i tonga-tongamiu.”

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

1 TIMOTIU 6:15

onaemo tempo anu Ira tumantuio anu Pabawa anu asa-asa-Do ka anu buke me'uraa, Mokole i wawono luwuno mokole ka Ue i wawono luwuno ue.

Yosua 22:22

”Ondae i Ue, Ue Ala i wawono luwuakoano anu pinesombai! Ondae i Ue, Ue Ala i wawono luwuakoano anu penesombai! Ondaemo anu tumo'orio, ka pototonomo to Isaraeli ka domento'orio koa. Ba mansa ndio ta gagi, ka tinoo mami umewai ira, ka nami kimpetenunu ndi Ondae i Ue, po'ineeomo Ondae i Ue nahi Dotolosi kami oleo andio.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”