Danieli 2:45 - Wunta Mempori

⁴⁵ Mongkona atuu mengkena ntu'u kana anu kinitamiu ueku, nine komba wineweuno kaeno mia asa watu teloka inso a ntorukuno ka ipuroo labu, mala, wita pulu, salaka ka wulaa atuu. Ondae Ue Ala anu tedoa langkai Dopauakomiumo ueku mokole hapa anu ta gagi lembuino. Mo'ipi atuu mentee ka pengkonaano pine'ala-ala.”

Danieli 2:45 Iomraidhean Croise

Tegagia 41:26

Opitu sapi anu moiko atuu onaemo opitu nta'u, ka opitu ntonggi gandu anu moiko atuu onaemo opitu nta'u koa mbo'u, orua mo'ipi atuu mengkena.

Tegagia 41:28

Onaemo atuu tinoono tempono kupauakomiu ueku Pirao nine Ondae Ue Ala mopokitaakomiumo hapa anu Ira weweuo.

Tegagia 41:32

Hawe pendua mo'ipi atuu iwinali ndi omiu ueku Pirao pengkonaano mongkona atuu Dopakosiomo Ue Ala ka Ondae Ue Ala Ira ronga mokogagio.

2 Samueli 7:22

Nde langkai Komiu, oo Ue Ala. Nahina kana Omiu ka nahina Ue Ala susua sangkadio Omiu montonda luwuno anu kimerongeakono birimami.

1 Tawarika 16:25

Hangano langkai pabawa-Do i Ue ka tedoa inunde-unde, langkaiopo pabawa-Do sekono luwuno anu pinesombai susua.

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Ayubi 36:26

Menteeano, Ondae Ue Ala atuu langkai pabawa-Do, nahi tompokohawe laroo, porokono ta'u-Do nahina mokoparesao.

Po'unde-unde 135:5

Kuto'orio nine Ondae i Ue atuu tedoa langkai pabawa-Do ka Ondae Ueto lumaloio luwuno pinesombai.

Po'unde-unde 145:3

Langkai pabawa-Miu ka tedoa inunde-unde, ka langkaino pabawa-Do nahi pinokohawe laro.

Po'unde-unde 2:9

Ondae Komiu puroako ira Tarasulu labu, peha ira kana kuro wita wineweuno puu poweweu koro.”

Po'unde-unde 48:1

Penani. Penani po'unde-undedo inuleno i Kora.

Po'unde-unde 96:4

Hangano Ondae i Ue tedoa langkai ka tedoa inunde-unde, mongkokongiri Irapo sekono luwuno pinesombai.

Yesaya 28:16

Onaemo pu'uno, kanandiomo pau-Do i Ue Ala, ”Menteeano, Kupontoroo asa watu i Sioni gagi pundasino, asa watu anu moroso, watu siuno anu masuli olino, asa pundasi anu moroso: Isema anu mompe'ala-ala, nahi ta danggara!

Danieli 2:24

Onaemo pu'uno i Danieli lumako ndi Arioki anu tinenado mokole mokotampuala ira mia anu pande mposongka i Babeli. Onae lumako ka ipotae ndi onae, ”Si pokotampula ira mia anu pande mposongka i Babeli! Wawa akumo me'aro ndi ondae mokole, ka aku pauako ira mokole pengkonaano mo'ipi atuu!”

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:29

Kontongaamiu ueku a mpoturia, oo ueku mokole, me'umbaakoomo pinewowolomiu mongkona hapa anu ta gagi lembuino. Ondae anu mosabao luwuno rahasia pauakomiumo ueku hapa anu ta gagi.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 8:25

Hangano akalano, pompopo'oo anu wineweuno ta mehasili. Onae ta mompelangka-langkai i laro aroano, ka nahi kinookoo hadio mia ta pinepateno. Onae mbo'u ta mentade umewaio Mokoleno luwuno mokole, sine komba hangano poweweuno kaeno mia, onae ta rinawo-rawo.

Hagai 2:22

”Pauakonomo i Serubabeli, petewawa i wita Yehuda, kanandio: Aku lumeluo langi ka tolino

Sakaria 12:3

I tempo atuu Aku weweuo Yerusale gagi watu pompokomobea a luwuno tongku. Isemamo koa anu mokomobeaakono watu atuu koroino ta mobela langkai. Luwuno tongku i tolino ira mpepumpu me'ewaio.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

I MATIU 21:24

Sumangki Ira i Yesu ndi ondae, ”Aku mesikeno mbo'u ngkuda te'asa ndi omiu ka tewala imesangki Aku, Aku koa mbo'u pauakomiu saru pabawa inso isua Kuweweuo luwuno atuu.

I MATIU 24:35

Langi ka tolino ta moliu, sine pau-Ku nahi ta moliu.

I LUKASI 17:20

Montonda pesikenodo to Parisi, te'ipia ta haweano Poparentaa-Do Ue Ala, sumangki Ira i Yesu, Dopotae, ”Haweno Poparentaa-Do Ue Ala nahina petondoni anu ta kinita,

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

MENGKAAA 1:19

Onaemo pu'uno buriomo hapa anu ukitaomo, moiko anu gagi kanandio-andio maupo anu ta gagi umarino andio.

MENGKAAA 19:17

Ka ku'amba kumitao aasa mala'eka mentade a laro mata'oleo ka onae mebooli saru suara meroku a luwuno manu-manu anu mpenee i tonga-tongano langi, ipotae, ”Ime'aiwamo i ndi'ai ka impepumpumo ka impetonda a mpelimbua-Do Ue Ala, pelimbua anu langkai,

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.