Danieli 2:44 - Wunta Mempori

⁴⁴ Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 2:44 Iomraidhean Croise

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

2 Samueli 7:13

Onaemo anu ta mowangu raha tiano nee-Ku ka Aku mokomorosoo kadera poparentaano ranta nahina tampulaano.

2 Samueli 7:16

Inulemu ka poparentaamu ta moroso ranta nahina tampulaano i aro-Ku, kadera poparentaamu ta moroso ranta nahina tampulaano.”

Po'unde-unde 145:13

Poparentaa-Miu onaemo poparentaa ranta tampulaano wawontolino, ka poparentaa-Miu nahi bali a luwuno inule. Ondae i Ue atuu Do'ihiio luwuno pinau-Do ka buke pompehohawa a luwuno wineweu-Do.

Yesaya 60:12

Mentee ntu'u, tongku ka poparentaa anu nahi behe metenunu ndi omue ta tampula; luwuno tongku atuu ira mepingko mempinepate.

Yehesikieli 37:25

Ira mpo'ia i wita anu Kuweeakono tetenaa-Ku i Yako, i sua dompo'ia uempu'udo. Ondae saru luwuno anado maupo ana'ue ka ana'ue ntukodo ira mpo'ia i ra'ai ranta nahina tampulaano ka tetenaa-Ku i Daudi gagi mokoledo ranta nahina tampulaano.

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:34

Kontongaamiu ueku kumitao, asa watu teloka komba wineweuno kaeno mia, ka dumunsio tinaha atuu kona ntu'u a ngkaruno anu inso a labu ka wita pulu ranta ka iterawo.

Danieli 2:35

Ia tempo koa mbo'u atuu terawoomo labu, wita pulu, mala, salaka ka wulaa atuu; luwuno gagi kana ota a mponsesaa i tempono motu'i-tu'i. Ka i'amba puurio angi, ranta maupo hangano nahi hinawe. Sine watu anu dumunsio tinaha atuu gagi torukuno langkai anu buketio asa wawontolino.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Danieli 2:43

Kana anu kinitamiu ueku, labu mesaloako wita pulu, pengkonaano atuu ira mpesalo molalo pekombiaa, sine nahi ira ntepo'asa, kana labu anu nahi pokompesalo saru wita pulu.

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 6:26

Ka i'amba mokole Dariusu mo'oliwi wunta a luwuno mia inso a luwuno tongku, suku ka pau, anu mpo'ia i asa wawontolino, ihino, ”Po'ineeomo ka itetiangi manangaimiu!

Danieli 6:27

Meronga andio ongkue mompowee parenta nine a luwuno poparentaa anu pinabawaiku, mia asalakono medoito ka mpondende ndi Ondae Ue Alano i Danieli. Hangano, Ondaemo Ue Ala anu tuwu, anu nahina tampulaano; poparentaa-Do nahi ta tampula ka pabawa-Do nahina tompaano.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Danieli 8:25

Hangano akalano, pompopo'oo anu wineweuno ta mehasili. Onae ta mompelangka-langkai i laro aroano, ka nahi kinookoo hadio mia ta pinepateno. Onae mbo'u ta mentade umewaio Mokoleno luwuno mokole, sine komba hangano poweweuno kaeno mia, onae ta rinawo-rawo.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Hagai 2:22

”Pauakonomo i Serubabeli, petewawa i wita Yehuda, kanandio: Aku lumeluo langi ka tolino

Hagai 2:7

Hangano kanandiomo pau-Do Ueno luwuakoano: Nami ta tehine mbo'u Aku lumeluo langi ka tolino, tahi ka wita.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I YOHANE 12:34

Ka do'amba mesangki mia hadio atuu, ”Kimerongeomo inso a songka Taura, nine i Mesia tuwu mpiha ranta nahina tampulaano; nde kana'umpe ka Ipotae, nine i Ana Manusia asalakono tinande? Isemake i Ana Manusia atuu?”

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 2:27

ka onae ta parentaako ira tuko labu; ondae ira mempinuro kana kuro witano puu ponsuu – mengkena kana anu tinarima-Ku inso ndi Ondae Ama-Ku –