Danieli 2:28 - Wunta Mempori

²⁸ Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:28 Iomraidhean Croise

Tegagia 40:8

Dosangkio, ”Omami mo'ipi, sine nahina mia anu mokonto'orio pengkonaano.” Ka i'amba motae i Yusupu ndi ondae, ”Kombake Ondae Ue Ala anu mopoto'orio pengkonaano mo'ipi? Itutuluomo mo'ipimiu atuu ndi ongkue.”

Tegagia 41:16

Sumangki i Yusupu ndi Pirao, ”Komba ongkue, tendeano Ondae Ue Ala anu Ira mompau manangaia ndi omiu ueku Pirao.”

Tegagia 41:25

Ka i'amba motae i Yusupu ndi Pirao, ”Orua mo'ipimiu atuu ueku Pirao mengkena koa. Dopauomo Ue Ala ndi omiu ueku Pirao hapa anu Ira weweuo.

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Yesaya 2:2

Ta gagi a oleo pokotampulaano: torukuno po'iangano raha-Do i Ue ta mentade lumaloio punsuno luwuno torukuno ka kontasi-tasi i wawono luwuno pongku; luwuno tongku ta hadio ntu'u melako i ra'ai,

Yeremia 10:7

Isemake anu nahi doito ndi Omiu, oo Mokoledo luwuno tongku? Mentee ntu'u, kanandiomo pelelu anu tekona ndi Omiu; hangano i olodo mia pande mposongka inso a luwuno tongku ka i olono luwuno mokoledo nahina anu kana Omiu!

Yeremia 30:24

Tekuda-Do i Ue anu tensila atuu nahi ta temonto hawe ka Doweweuo ka mokogagio tinoono aroa-Do; a oleo pokotompa komiu mento'orio mongkona atuu.

Yeremia 48:47

Sine, lembuino Aku momuleo teweweuno Moabi, kanandiomo pau-Do i Ue.” Hawemo i ndi'ai pau pohuku ndi Moabi.

Yehesikieli 28:3

Menteeano ponto'orimu anu mentee lumaloio ponto'ori menteeno i Danieli; nahina rahasia anu tetutuwi ndi omue.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 38:8

Tehine ntu'u umarino atuu komohawe parenta. Mapata'u-ta'u lembuino omue kolumako i asa wita anu wali winangu umarino peteaa. Palilino mepinumpu inso i olodo hadio tongku a wawo luwuno torukuno Isaraeli anu tehineomo tekale-kale. Ondae mewinawa mpeluarako inso i tongado luwuno tongku ka luwuno roodo dompo'ia.

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 2:18

ka dompo'ema pompehohawa inso ndi Ondae Ue Alano asa wawo langi mongkona rahasia atuu, ka si domempinokotampula i Danieli ka wali-walino meronga mia mponto'ori susua i Babeli.

Danieli 2:22

Ondaemo anu mosabao luwuakoano anu nahi kinookoo ka tewuni. Ondae tumo'orio hapa anu kongko a laro wongi-wongi, ka mewine kongko ndi Ondae.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 2:45

Mongkona atuu mengkena ntu'u kana anu kinitamiu ueku, nine komba wineweuno kaeno mia asa watu teloka inso a ntorukuno ka ipuroo labu, mala, wita pulu, salaka ka wulaa atuu. Ondae Ue Ala anu tedoa langkai Dopauakomiumo ueku mokole hapa anu ta gagi lembuino. Mo'ipi atuu mentee ka pengkonaano pine'ala-ala.”

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 4:5

Ka ku'amba mohawe mo'ipi anu mokontededengke aku; kolaro-laroku a mpoturiaku ka luwuno pongkita anu kinitaku mokonsalalaro aku.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Amosi 4:13

Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Podoaa 24:14

Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

Winali 31:19

Kanandio-andio, buriomo penani andio ka paguruako ira to Isaraeli. Naao a laro ngangado kai penani andio gagi sakosii-Ku a nto Isaraeli.

Winali 4:30

Tewala lembuino omiu a laro masukaraa ka luwuno anu andio umalu komiu, onae kai mpepokule ndi Ondae i Ue, Ue Alamiu, ka mperorongeakono suara-Do.

2 TIMOTIU 3:1

To'oriomo nine a luwuno oleo pokotompa ta hawe tempo anu masukara.

IBARANI 1:1

Mansano a tempo i ndi'upua Ondae Ue Ala mararu ka a mperupa-rupa pesalaa-Do mepau a uempu'uto telalo a luwuno nabi,

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.