Danieli 2:23 - Wunta Mempori

²³ Oo Ue Alado uempu'uku, ku'unde-unde Komiu ka melangkai Komiu. Hangano, Omiu moweeakune ponto'ori anu mentee ka roso, ka kanandio-andio Ipauakunemo hapa anu kime'emao ndi Omiu, ka pauakami pinemasusado mokole.”

Danieli 2:23 Iomraidhean Croise

Tegagia 18:17

Mompewowolo Iramo i Ue, ”Nde Aku mewuniakonoke inso ndi Burahima hapa anu Aku weweuo?

Tegagia 31:42

Ande-andeno nahi Dokongkomi aku Ue Alado amaku, Ue Alano i Burahima ka Anu Pinelangkaino i Saki, manasa kanandio-andio komiu mo'inee aku lumako saru kae mooa. Sine marasaiku ka pe'iseiku Dokitaomo Ue Ala ka Doputusiomo hieno wongi.”

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

1 Mokole 8:57

Po'ineeomo Ondae i Ue, Ue Alato, kumongkomi kita kana Dokongkomi iramo uempu'uto. Topomperorohi nahi Dobinta kita ke maupo tumadi kita,

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

1 Tawarika 29:13

Kanandio-andio, oo Ue Alamami, mpontarimakasi kami ndi Omiu ka me'unde-undeo nee-Miu anu langkai.

2 Tawarika 20:6

ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

Po'unde-unde 21:2

Ue, hangano pabawa-Miumo ka ipo'unde mokole; ka tedoa mawongko hangano ponangia anu Iweeakono!

Po'unde-unde 21:4

Hangano Omiu tumotowoakono ronso anu hadio ntu'u; Omiu monaa ramba-ramba ulu inso a wulaa mpena a wawo uluno.

Po'unde-unde 25:14

Ondae i Ue mesambe'e saru mia anu doitoako Ira, ka pedandia-Do Dopauako ira.

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Peluarakoa 3:15

Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.

Powadi 21:22

Mia pande mosongka polio monsapoi kotado sorodadu, ka mobangkuo bente anu pinerorohido.

Powadi 24:5

Mia pande mosongka pabawaopo sekono mia moroso, ka mia anu hinao ponto'orino sekonopo mia anu rosono langkai moroso.

Powadi 8:14

Ndi ongkue hinao patudu ka pontimbanga, ongkuemo ponto'ori, ndi ongkuemo roso.

Puu Pontutulu 7:19

Ponto'ori mompowee roso a mia mpande laluaopo sekono hopulu anu pabawa a laro ngkota.

Puu Pontutulu 9:16

Ka ku'amba motae, ”Ponto'ori moikoopo sekono roso ka mosia, sine ponto'orino mia mongkokolaro tinata ka pauno nahi domerongeo mia.”

Puu Pontutulu 9:18

Ponto'ori moikoopo sekono parewa mpetea, sine asa mia anu moweweu sala mokonsolangio hadio mongkona anu moiko.

Yesaya 12:1

I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 2:18

ka dompo'ema pompehohawa inso ndi Ondae Ue Alano asa wawo langi mongkona rahasia atuu, ka si domempinokotampula i Danieli ka wali-walino meronga mia mponto'ori susua i Babeli.

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

I LUKASI 10:21

I tempo koa mbo'u atuu mawongkoomo aroa-Do i Yesu a laro Penaa Mempori ka Dopotae, ”Montarima kasi Aku ndi Omiu, Ama, Ueno langi ka tolino, hangano luwuno atuu Iwuniako ira mia pande mposongka ka mia mempande, sine Ipokomengkaao a mia kodei. Oo Ama, onaemo atuu anu pinemoiko-Miu.

I YOHANE 11:41

Onaemo ka domentandeo watu atuu. Ka Do'amba i Yesu mentombu kontahane ka Dopotae, ”Ama, montarima kasi Aku ndi Omiu, hangano Iperorongea-Kunemo.

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 5:5

Ka i'amba mepauomo asa mia inso a mia mempinemota'u atuudo ndi ongkue, ”Si pengese! Menteeano, singa inso a nsuku Yehuda, onaemo tumbano i Daudi monangiomo, onaemo ka Dopokowileo paluluno wunta atuu ka umungkahio opitu tondonino.”