Danieli 2:2 - Wunta Mempori

² Ka i'amba mokole metena moboi ira anu pande mebali-bali mata, pande sihiri, pande mompuu-puuri, ka luwuno Kasidimi, ka domempauakono pengkonaano mo'ipino. Me'aiwa iramo ka mpentade i arono mokole.

Danieli 2:2 Iomraidhean Croise

Tegagia 41:8

Tisomono mo'oru maka'aliomo, ka i'amba metenaomo moboi ira luwuno mia mponto'ori mpebali-bali mata ka luwuno mia anu hinao ponto'orino i wita Masiri. I Pirao tumutuluo mo'ipino ndi ondae, sine nahina maupo te'asa mia mokopauo pengkonaano ndi Pirao.

Esetere 1:13

Onaemo ka dopesikeno mokole a luwuno mia anu pande mpompewowolo, luwuno mia anu mento'orio gau nse'elu, hangano kanatuumo biasano ba hinao anu nahi dopekonao mokole pinauako ira mia mpoto'ori gau ka songka.

Peluarakoa 7:11

Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Yesaya 19:3

sumangado to Masiri ta tetadi, ka tinoodo ka Aku mokomarisuo; ondae ira mpo'ema pontiso a lahumoa ka a mia anu mpebali-bali mata, a onitu ka a mpenaa mpopau anu nahi manasa ta gagi.

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

Danieli 1:4

Ondae atuudo mia mongura anu nahina tataado, tekosi koroido, mokonto'orio mperupa-rupa ponto'ori, hadio ponto'orido, hinao ponto'orido mongkona pepaguru, ka pande mpo'angga a laro langkanaedo mokole. Ira mempinaguru mpoburi ka paudo to Kasidimi.

Danieli 2:10

Mesangki ira ta Kasidimi atuudo ndi mokole, ”Nahina maupo te'asa mia i wawontolino anu polio pauo hapa anu inemamiu ueku mokole! Nahi hori asa mokole, maupo langkai ka onae pabawa, mo'ema anu kanandio inso a asa mia anu pande mebali-bali mata ke asa mia anu pande mobasa-basa ke asa to Kasidimi.

Danieli 2:27

I Danieli sumangki ira mokole, ipotae, ”Rahasia anu pinesikenoakomiu ueku mokole nahi domempolio pauakomiu mia anu pande mposongka, pande mobasa-basa, pande mpebali-bali mata ke pompau anu nahi manasa ta gagi.

Danieli 3:8

I tempo koa mbo'u atuu ba opia ira to Kasidimi mpentade ka tumuluri ira to Yahudi.

Danieli 4:3

Langkai ntu'u petondoni-Do ka mongkokongiri ntu'u wineweu-Do anu kinohali-haliako! Poparentaa-Do onaemo poparentaa anu nahina tampulaano ka poparenta-Do hawe mapa'api-api inule!

Danieli 4:6

Moluarako akumo parenta a luwuno mia anu pande mosongka i Babeli ka domewinawa mpe'aro ndi ongkue, ka domempauakune pengkonaano mo'ipi atuu.

Danieli 5:7

Ka do'amba mokole mebooli meroku ka domewinawa mpe'aro mia anu pande mpobasa-basa, luwuno Kasidimi ka anu mpompau anu nahi manasa ta gagi. Mokole motaeako ira mia anu pande mposongka i Babeli atuu, ”Sompo mia anu mokobasao binuri andio ka ipauakune pengkonaano, ndi onae ta pinokonaako sangka inso a nsawu wungo, a we'uno ta pinopo'enuako rante wulaa, ka a mpoparentaaku onae ta hinao pabawano gagi mia ko'otolu.”

1 Samueli 6:2

domempoboi ira to Pelisiti luwuno sando mpelahumoado ka mia mponto'ori, ka dompesikeno, ”Hapa anu ta wineweumami mongkona Burua Pedandia-Do i Ue? Imempaua kami kana'umpe kimewawao ba kimpokuleo a mpo'iangano.”