Danieli 2:18 - Wunta Mempori

¹⁸ ka dompo'ema pompehohawa inso ndi Ondae Ue Alano asa wawo langi mongkona rahasia atuu, ka si domempinokotampula i Danieli ka wali-walino meronga mia mponto'ori susua i Babeli.

Danieli 2:18 Iomraidhean Croise

Tegagia 18:28

Kana'umpe tewala makura olima mia inso anu lima pulu mia mentee atuu, nde Komiu koa mokotampulaoke luwuno kota atuu hangano olima mia atuu?” Mepau Ira, ”Nahi Aku mokotampulao, tewala mohawe Aku pato pulu ka olima i ra'ai.”

Po'unde-unde 136:26

Pontarimakasimo ndi Ondae Ue Alano asa wawo langi! Menteeano ranta nahina tampulaano pompehohawa-Do.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Yesaya 37:4

Bara'ura Dorongeomo i Ue, Ue Alamu, pauno i rabi-sakehi atuu anu tinenano mokoledo to Asiuri, ueno, ka itata Ira Ue Ala anu tuwu, ranta Ondae i Ue, Ue Alamu Ira moweeakono pohuku hangano luwuno pau anu Dorongeomo. Moikoomo upekakaiako ira anu da mentuwu anu da ntebinta andio!”

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Danieli 2:23

Oo Ue Alado uempu'uku, ku'unde-unde Komiu ka melangkai Komiu. Hangano, Omiu moweeakune ponto'ori anu mentee ka roso, ka kanandio-andio Ipauakunemo hapa anu kime'emao ndi Omiu, ka pauakami pinemasusado mokole.”

Danieli 3:17

Tewala Ondae Ue Alamami anu inunde-undemami polio motola kami, Ira motola kami inso a laro api anu kolanga-langa atuu, ka inso a ngkamiu, oo mokole.

Danieli 4:26

Parenta ka ipino'inee tu'ono keu atuu pengkonaano poparentaamiu ueku komiu ronga wali uminio umarino imangakuakono nine surugamo anu hinao pabawano.

Yunu 1:9

Sangkino ndi ondae, ”Ongkue to Ibarani, kudoitoako Ira Ue, Ue Alano asa wawolangi anu mokogagio tahi molue ka wawo wita.”

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

I MATIU 18:12

”Kana'umpe pohawemiu? Tewala asa mia hinao asa etu bimbano, ka asa i olodo tetadi, nde nahi ta bintao anu sio pulu ka osio a mentorukuno ka ilako umungkeo anu tetadi atuu?

I MATIU 18:19

Ka Kupauakomiu mbo'u: Tewala orua mia inso ndi omiu i wawontolino andio moroko mo'ema hapamo koa, po'emado atuu ira uminduo AmaKu anu i suruga.

WINEWEUDO TINENA 12:4

Mansano rinako i Peturu, metena i Herode ka domentorungkuo ka domedagaio opaa bawaa sorodadu, asa bawaa opaa sorodadu. Tinoono onaemo, sa'umarino oleo langkai Pasa ta wawao i arodo mia hadio.

ROMA 15:30

Sine hangano Ondae i Kerisituu, Ueto, ka hangano pompehohawa-Do Penaa, kupatudu komiu, pepaekompo, ka impokowali aku pekakaiakune ndi Ondae Ue Ala,

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

1 Samueli 17:37

Ipotae mbo'u i Daudi, ”Ondae i Ue anu motola akumo inso a kukuno singa, ka kukuno berua, Ondae koa mbo'u ta motola aku inso a ngkaeno to Pelisiti atuu.” Ipotae i Saulu ndi Daudi, ”Lakomo! Ondae i Ue kumongkomiko.”