Danieli 2:11 - Wunta Mempori

¹¹ Hapa anu inemamiu ueku mokole tedoa mobea, ka nahina maupo te'asa mia anu polio pauakomiu ueku mokole, sangkadio luwuno pinesombai anu nahi po'ia i olono mia.”

Danieli 2:11 Iomraidhean Croise

Tegagia 41:39

Motae i Pirao ndi Yusupu, ”Hangano Dopauomo Ue Ala luwuno andio ndi omue, nahina maupo te'asa mia anu molino pinewowolono ka pande mosongka kana omue.

Tegagia 41:8

Tisomono mo'oru maka'aliomo, ka i'amba metenaomo moboi ira luwuno mia mponto'ori mpebali-bali mata ka luwuno mia anu hinao ponto'orino i wita Masiri. I Pirao tumutuluo mo'ipino ndi ondae, sine nahina maupo te'asa mia mokopauo pengkonaano ndi Pirao.

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

2 Tawarika 6:18

Sine mentee ke Ondae Ue Ala Ira mo'ia saru mia i ntolino? Menteeano langi, tendeano maupo langi luwuno langi nahi Komiu te'ula, tamoako mbo'u raha anu winanguku andio.

Po'unde-unde 132:14

”Ndiomo po'ianga-Ku ranta nahina tampulaano, i ndi'ai Kupo'ia, hangano inehe-Ku.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Peluarakoa 29:45

Aku mo'ia i olodo to Isaraeli ka Aku gagi Ue Alado.

Peluarakoa 8:19

Mpotae iramo to Masiri anu mponto'ori atuudo ndi Pirao, ”Onaemo andio wineweuno kae-Do Ue Ala.” Sine aroano i Pirao da motea, ka nahi perorongeako ira, kana anu umariomo Dopauo i Ue.

Yesaya 47:12

Po'iamo mpiha saru luwuno pobasa-basamu ka sihirimu anu hadio atuu, anu upolempaomo mompu'u umongura; bara'ura kome'ura, bara'ura kopolio mompokodoito mia.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 8:18

Menteeano, ongkue ka nana'ote anu Doweeakunemo i Ue onaemo petondoni ka pepopoto'ori i olodo to Isaraeli inso ndi Ondae Ueno luwuakoano anu mo'ia a ntorukuno Sioni.

Danieli 4:4

Ongkue, i Nebukanesa, mo'ia rodo a laro rahaku ka hadio ntu'u arataaku a laro langkanaeku.

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

Yoeli 3:21

Aku mombaloakono reado anu napi Kupombaloakono; Ondae i Ue mo'ia i Sioni.”

Podoaa 35:34

Si mpokomokoburuo wita po'iangamiu, anu i tonga-tongano Kupo'ia, hangano Ongkue, Ue, mo'ia i tonga-tongado to Isaraeli.”

I MATIU 19:26

Ondae i Yesu mengkita ndi ondae ka Dopotae, ”A mia anu kanandio nahi ta polio, sine ndi Ondae Ue Ala luwuakoano Dopolio.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.