Danieli 12:9 - Wunta Mempori

⁹ Isangki aku, ”Lakomo, Danieli, hangano pau andio ta winuni mpiha ka tetondoni hawe a mpokotompaano tempo.

Danieli 12:9 Iomraidhean Croise

Yesaya 29:11

Ndi omiu pongkita inso a luwuno atuu kana ihino asa wunta anu tinondoni. Tewala atuu wineeako mia anu bisa mobasa, saru pe'oliwi, ”Basaomo andio,” onae ta sumangki, ”Nahi kupolio hangano wunta atuu tinondoni.”

Yesaya 8:16

Naaomo sakosii andio ka tondoniomo pompaguru andio i olodo ana guruku.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 11:40

A tampulaano wawontolino mokole i wita Selata ta metea umewaio mokole i wita Utara anu ta sumapoiakono kareta ka mia mpengara, saru hadio kapala. Mokole andio ta mewinsoki ira wita sumompoo ka uma'eo luwu kana lolowi.

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Danieli 12:8

Lano kurongeo mongkona atuu, sine nahi kupokonto'orio. Ka ku'amba mesikeno, ”Ueku, hapake poko'ariano mongkona luwuno andio?”

Danieli 8:26

Ndio mbo'u pongkita mongkona ngkiniwia ka mo'oru atuu, hapa anu pinau atuu mentee. Sine omue, naaomo ilaro aroamu pongkita atuu, hangano pongkita atuu mongkona oleo lembuino anu da olai.”

MENGKAAA 10:4

Ka mansano opitu rundu anu umari mepau, aku burio, sine kurongeo aasa suara inso i suruga mepau, ”Tondoniomo hapa anu pinaudo opitu rundu atuu ka si burio!”