Danieli 12:3 - Wunta Mempori

³ Luwuno mia anu pande mposongka ira memewanta kana wantano longkuno langi, ka anu montaateomo hadio mia a menteea kana anano wula, kongko mpiha ranta nahina tampulaano.

Danieli 12:3 Iomraidhean Croise

Peluarakoa 34:35

to Isaraeli mengkitao rupano i Musa mewanta kuli rupano. Onaemo kai wali mokonao pesoumbuno a rupano ranta kai pewinso me'aro ndi Ondae i Ue ka ipepau saru Ondae.

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

Powadi 3:35

Mia pande mosongka ta mohawe pompelangkai, sine mia anu benge-benge ta montarima pasinggiri.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Puu Pontutulu 12:9

Umarino ponto'ori, Puu Mpontutulu mbo'u mompaguruako ponto'ori a bawaa. Onae montimbanga, mo'arahako ka mompotuda hadio powadi.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yeremia 23:22

Ande-andeno mehawe ira a nterisoa-Ku, ira mempaleleo pau-Ku a bawaa-Ku, mewawa ira mpepokule inso a mpeleludo anu mosa'o ka inso a wineweudo anu mosa'o.

Danieli 11:33

Mia anu pande mosongka i olodo bawaa atuu ira meweweuo hadio mia mento'orio sine ba'opia tempo tehineno ira mentenangiako ponai ke api, ke hangano tinawa ke rinontu.

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Danieli 12:10

Hadio mia ta pinokomempori, pinokomolino ka inara-arahako. Sine, mia mosa'o gaudo ira mpogau mosa'o. Nahina maupo te'asa mia inso a mia mosa'o gaudo atuu ta mokonto'orio, sine luwuno mia anu pande mosongka ta mento'orio.

I MATIU 13:43

I tempomo atuu luwuno mia mentee ira memewanta kana mata oleo a laro Poparentaa-Do Amado. Isema mebiri, ka iporonge!”

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

I MATIU 24:45

”Isemake ata anu metenunu ka pande mosongka, anu pinotorono ueno a luwuno miano ka ipoweeako ira kaanga a tempono?

I YOHANE 4:36

Kanandio-andio anu sumowi montarimaomo tambono ka ipumpuo wua tiano tuwua anu nahina tampulaano, ranta anu morawo ka anu sumowi pada ira mo'unde.

I YOHANE 5:35

Ondaemo hulu anu melanga ka mewanta ka sarai koa imebehe mpo'undeakono wantano atuu.

WINEWEUDO TINENA 13:1

I tempo atuu a laro bawaa i Antiokia hinao ba opia ira nabi ka anu mpompaguru, onaemo: I Baranaba ka i Simo anu nineeako i Nigeri, ka i Lukiu to Kirene, ka i Menahe anu tine'ia meronga saru mokole Herode, ka i Saulu.

1 KORINTI 3:10

Menunu saru pompehohawa-Do Ue Ala, anu Doweeakune, ongkue kana asa mia puu mpowangu anu pande monaa akumo pondasi, ka mia susua motilaloakono mowangu iwawono. Sine sompo-sompo mia asalakono ka ipepenteeo, ba kana'umpe ba ipowangu i wawono.

EPESU 4:11

Ka Ondaemo anu moweeako ira moiko luwuno tinena maupo luwuno nabi, moiko luwuno anu mompalele Lele Mawongkoa maupo luwuno puu pompakambi ka luwuno anu mompaguru,

IBARANI 5:12

Hangano omiu maupo ikinita inso a tempo, tekonaomo imegagi guru, da komiu mempinaguruako mbo'u empehino ntu'u inso a pepokomengkaa-Do Ue Ala, ka da mpokere komiu susu, komba kanga motea.

2 PETURU 3:15

Imentuduomo mauru-Do Ueto kana tempomiu mpohawe tekaduduia, kana koa mbo'u i Paulu, pepaekompoto anu kinekewoi, moburiomo ndi omiu montonda ponto'ori mentee anu iwineeako.

MENGKAAA 1:20

Ka rahasiano opitu anano wula anu ukitaomo a ngkae koana-Ku ka opitu karuno hulu wulaa atuu: opitu anano wula atuu onaemo mala'ekado opitu bawaa ka opitu karuno hulu atuu onaemo opitu bawaa.”

Puu Mpobitara 5:31

Kanandiomo domeropu luwu iwali-Miu, o Ue! Sine mia anu mehohawa Ira kana sabano oleo ia marambaano. Sintuwuomo wita atuu pato pulu nta'u tehineno.