Danieli 12:2 - Wunta Mempori

² Hadio inso i olodo mia anu mpoturi iramo a laro pampawu, ira mpewangu, asa ntia ka ipohawe tuwua nahina tampulaano, asa ntia mbo'u ka ipembasaio pontetewehi ka mongkokongiria anu nahina tampulaano.

Danieli 12:2 Iomraidhean Croise

Powadi 12:8

Sompo mia inunde-unde menunu saru pinewowolono anu molino, sine mia anu nahi montaso pinewowolono, ta pinokongkodei.

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yesaya 66:24

Ira mpeluarako ka mengkikitao wata ngkoroido mia anu mpe'ewa iramo ndi Ongkue. Mentee ntu'u, ule-uleno nahi ta mate, ka apino nahi ta mate; luwuno ta gagi mongkokongiriado luwuno anu tuwu.

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Yehesikieli 37:12

Onaemo pu'uno, pauomo anu ta gagi ka potaemo ndi ondae: Kanandiomo pau-Do Ue Ala: Mentee ntu'u, Ku'ungkahio luwuno kaburumiu ka wangu komiu inso i larono, hei bawaa-Ku, ka Aku wawa komiu i wita Isaraeli.

Hosea 13:14

Nde Aku motola ira ke inso a mpabawano tolinodo mia mate? Nde Aku tumolosi irake inso a matea? Isuaomoke haki lelemu, hei matea, isuaomoke poropumu, hei tolinodo mia mate? Mata-Ku tetutuwi tiano pompehohawa.

I MATIU 25:46

Ka ondae andio ira mpewinso a mpo'ianga pobobarasaia anu nahina tampulaano, sine mia mentee a ntuwua anu nahina tampulaano.”

WINEWEUDO TINENA 24:15

Ongkue momperorohi ndi Ondae Ue Ala, mengkena koa mbo'u kana ondae, nine ta hina pewanguado luwuno mia mate, moiko mia anu mentee maupo mia anu nahi mentee.

WINEWEUDO TINENA 7:60

Kontongaano menggolontu ka ipebooli meroku, ”Ue, siimo Ipopotembiako ira hala andio!” Ka umarino pauo atuu mateomo.

ROMA 9:21

Nde nahina pabawanoke puu mponsuu kuro a wita puluno, ka iweweuo inso a aasa boto anu mengkena aasa parewa ka ipinake a ntinoo anu maramba ka aasa parewa susua anu pinake a ntinoo anu biasa?

1 TESALONIKA 4:14

Hangano tewala tompe'ala-alao, nine Ondae i Yesu mate Iramo ka mewangu Iramo, ka tompe'ala-alao koa mbo'u nine ondae anu memate iramo ndi Ondae i Yesu Ira pumpu ira Ue Ala meronga saru Ondae.

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.