Danieli 12:10 - Wunta Mempori

¹⁰ Hadio mia ta pinokomempori, pinokomolino ka inara-arahako. Sine, mia mosa'o gaudo ira mpogau mosa'o. Nahina maupo te'asa mia inso a mia mosa'o gaudo atuu ta mokonto'orio, sine luwuno mia anu pande mosongka ta mento'orio.

Danieli 12:10 Iomraidhean Croise

Po'unde-unde 107:43

Isema anu hinao ponto'orino anu mentee? Po'ineeomo ka ipe'ini a luwuno atuu, ka mekokoongakono luwuno pompehohawa-Do i Ue.

Po'unde-unde 51:7

Menteeano, a laro sala mpoweweu kupine'anaako, a laro hala domentiaakune ineku.

Powadi 1:5

moikoomo mia pande mosongka moronge ka montiangi ponto'ori ka moikoomo mia anu hinao ponto'orino mohawe anu gagi pontimbanga –

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Yehesikieli 47:11

Sine, luwuno epeno ka limbono nahi gagi motewe; luwuno gagi po'alaa ohia.

Danieli 11:33

Mia anu pande mosongka i olodo bawaa atuu ira meweweuo hadio mia mento'orio sine ba'opia tempo tehineno ira mentenangiako ponai ke api, ke hangano tinawa ke rinontu.

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Danieli 12:3

Luwuno mia anu pande mposongka ira memewanta kana wantano longkuno langi, ka anu montaateomo hadio mia a menteea kana anano wula, kongko mpiha ranta nahina tampulaano.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Maleaki 3:3

Ira mentoro kana mia anu mompokolono ka mompokomorina salaka. Ondae mokomorina ira to Lewi, mokomempori ira kana wulaa ka salaka. Ondaemo anu mpompesombaako pesomba ndi Ondae i Ue a laro menteea.

I MARAKUSU 4:11

Sumangki Ira, ”Mewineeako komiumo rahasiano Poparentaa-Do Ue Ala, sine a mia i bungkuno luwuakoano pinohawe a mpotundaano,

I LUKASI 24:25

Ka Do'amba motaeako ira, ”Hei omiu mia benge-benge, momalu lahi aroamiu, ranta nahi mpe'ala-ala ira luwuakoano anu domempauomo nabi!

I YOHANE 18:37

Onaemo ka ipotaeako Ira i Pilatu, ”Gagi Omiumo mokole?” Sumangki Ira i Yesu, ”Omiu pauo, nine Ongkue mokole. Onaemo ka Kuhina ka onaemo ka Kuhawe i wawontolino andio, ka Kupesakosii mongkona menteea; sompo mia anu inso a menteea merorongeakono pau-Ku.”

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

I YOHANE 8:47

Ba isema inso ndi Ondae Ue Ala, iperorongeakono pau-Do Ue Ala; onaemo pu'uno ka nahi imperorongeakono, hangano omiu komba inso ndi Ondae Ue Ala.”

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 12:10

Hangano ondae mempaguru kita a tempo anu sarai menunu saru hapa anu pinemoikodo, sine Ondae Dotunduhi kita a moikoato, ka tompohawe tia a mempori-Do.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 16:11

ka dompepaukiako Ira Ue Ala anu i suruga hangano mpompemahaki ka hangano pihodo, sine nahi dontepidi inso a luwuno wineweudo.

MENGKAAA 19:14

Ka luwuno sorodadu anu i suruga mentonda Ira; ondae mpesawi a ngara mopute ka mpopokona lena alusu anu mopute ntu'u.

MENGKAAA 19:8

Ka ndi onae pinoweeako ka ipompokona sawu lena alusu anu tesosangkilo ka anu mopute ntu'u!” [Lena alusu onaemo luwuno wineweu anu mentee inso a luwuno mia mempori.]

MENGKAAA 22:11

Ba isema anu moweweu mosa'o, po'ineeomo ka ipoweweu mpiha mosa'o; ba isema anu mokoburu, po'ineeomo ka imokoburu mpiha, ka ba isema anu mentee, po'ineeomo ka ipoweweu mpiha menteea; ba isema anu mempori, po'ineeomo ka ipokomemporio mpiha koroino!”

MENGKAAA 3:18

onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.

1 Samueli 24:13

Po'ineeomo Ondae i Ue gagi puu pobitara i oloto. Po'ineeomo Ondae i Ue anu mombaloakune ndi omue, sine nahi aku umewai komiu,