Danieli 12:1 - Wunta Mempori

¹ ”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Danieli 12:1 Iomraidhean Croise

Po'unde-unde 56:8

Kana'umpe ka dompokotola? Ipokompetuundu iramo tongku andio a laro tekuda-Miu, oo Ue Ala!

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Yesaya 4:3

Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 30:7

Masolaomo, mongkokongiri ntu'u oleo atuu, nahina pengkenano! Onaemo tempo masusaano i Yako, sine inso ndi onae ta kinadudui.

Yehesikieli 13:9

Aku tumandeo kae-Ku umewai ira nabi anu mpongkita mongkona anu mompopo'oo ka pau ira anu ta gagi nahi mentee. Ondae nahi moiko dompewinso a laro tepumpuado bawaa-Ku ka nahi ta teburi a laro buriado suku Isaraeli, ka nahi ira mpewinso mbo'u i wita Isaraeli. Ka komiu mento'orio nine Ongkuemo Ue Ala.

Yehesikieli 34:24

Ongkue, Ue, gagi Ue Alado saru tetenaa-Ku i Daudi gagi mokole i tonga-tongado. Ongkue, Ue, anu pauo.

Yehesikieli 5:9

Hangano luwuno wineweumu anu mokoburu atuu, Aku weweuo ndi omue hapa anu napi Kuhori weweuo ka nahi Aku weweuo mbo'u.

Danieli 10:13

Petewawano poparentaado to Peresia mentade umewai aku rua pulu ka asa oleo tehineno. Ka i'amba i Mikaeli asa mia inso i olodo petewawa anu pinemota'u, aiwa tumulungi aku, ka onae kubintao i ra'ai tepo'aroako ira mokoledo to Peresia.

Danieli 10:21

Sine, aku koa pauakomu hapa anu teburi a Wunta Menteea. Nahina maupo te'asa anu me'alaako ndi ongkue umewai ira, sangkadio i Mikaeli, petewawamu atuu.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 7:10

Asa korono api me'umbaako ka waa inso i aro-Do. Sowu-sowuno mekakaako Ira, ka mapasowu-sowu mpentade i aro-Do. Ka i'amba mentoroomo Majelisi Puu mpobitara ka mewinile iramo Wunta.

Danieli 9:12

Dopokorosoomo pau anu pinau-Do ndi omami ka mia anu parenta kamimo saru mowawaakami masolaa langkai anu napi hori gagi i totono asa wawo langi, kana i Yerusale.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

I MATIU 24:21

Hangano i tempo atuu ta gagi pobobarasaia anu mongkokongiri kana anu napi hori gagi tampu'uno wawontolino hawe kanandio-andio ka anu nahi ta hori gagi mbo'u.

I MARAKUSU 13:19

Hangano i tempo atuu ta gagi pobobarasaia kana anu napi hori gagi tampu'uno wawontolino, anu pinokogagi-Do Ue Ala, hawe kanandio-andio ka anu nahi ta gagi mbo'u.

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

ROMA 11:15

Nde tewala nahi domentarimao pengkonaano sintuwua i wawontolino, polioke pontarimado hinao pengkonaano susua sekono tuwu inso i olodo mia mate?

ROMA 11:26

Kanandiomo pesalaano luwuno to Isaraeli ira mengkinadudui, kana hinao teburi, ”Inso i Sioni Ira hawe Pontolosi, Ira umoninio luwuno pinogauno i Yako anu mosa'o.

EPESU 1:21

olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

YUDASI 1:9

Sine i Mikaeli tadulakodo mala'eka, tempono a laro aasa teposisalaa megaga saru i Mosa'o mongkona wata ngkoroino i Musa, nahi sapa humukuakono i Mosa'o pau pompepaukiako, sine ipotae, ”Po'ineeomo Ondae i Ue kumuahakomu!”

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 12:7

Ka gagiomo peteaa i suruga. I Mikaeli ka luwuno mala'ekano metea umewaio naga atuu, ka naga atuu dompokowalio mala'ekano,

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.

MENGKAAA 7:14

Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.