Danieli 11:6 - Wunta Mempori

⁶ Ba'opia nta'u lembuino mia orua andio ira tepo'asa. Ana beineno mokole i wita Selata ta aiwa ndi mokole i wita Utara ka dopoweweu tepo'asa mpau, sine nahi mehasili; inuleno mbo'u nahi pokompekorahako. Ana beineno atuu ta pineweengako, kanatuu koa mbo'u anu mewawao, ana anu pine'anaakono ka mia anu kumombiao.

Danieli 11:6 Iomraidhean Croise

Ayubi 38:15

Mia mosa'o gauno rinontu mewineno, ka tokia anu moroso pinudu.

Po'unde-unde 10:5

Luwuno wineweuno wela mehasili; luwuno songka-Miu mantandeno lahi; iperuanahi ira luwu anu umewaio.

Yehesikieli 30:21

”Hei anano mia, Kupuduomo kae morosono i Pirao, mokole i Masiri. Kitao, kaeno nahi winalu ka itompa ke maupo winutuako powalu ka iwali moroso montande ponai.

Danieli 11:13

Mokole i wita Utara atuu ta wali mowawa sorodadu anu hadio, laluaopo hadio sekono anu amba-ambano. Ba'opia nta'u lembuino, onae ta lumako umewaiakono sorodadu anu hadio ka hadio parewa mpetea.

Danieli 11:15

Mokole i wita Utara atuu ta aiwa, mowangu pongku pongkadua ka mongko'alao kota anu mebente. Sorodadu i wita Selata nahi ta mokompekorahako, maupo luwuno sorodadu bininikino mbo'u, oo, nahina roso anu mokompekorahako.

Danieli 11:40

A tampulaano wawontolino mokole i wita Selata ta metea umewaio mokole i wita Utara anu ta sumapoiakono kareta ka mia mpengara, saru hadio kapala. Mokole andio ta mewinsoki ira wita sumompoo ka uma'eo luwu kana lolowi.

Danieli 11:7

I tempo atuu ta tuwu asa tumba anu me'asa haka saru ana beine atuu umeuo. Mia andio ta lumako umewai ira sorodaduno mokole i wita Utara ka mewinsokio benteno. Onae ta lumako umewai ira ka pabawaio.

Sakaria 11:16

Hangano menteeano, Aku mokohinao i wita andio asa mia puu mpopakambi anu nahi perioo anu moliu, nahi ungkeo anu tetadi, nahi pokotompao anu mobela, nahi pekakaakono anu madoo, tendeano mongkaa bauno anu mewalo ka butao kukudo.