Danieli 11:45 - Wunta Mempori

⁴⁵ Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 11:45 Iomraidhean Croise

Po'unde-unde 48:2

Ondae i Ue langkai ka tedoa inunde-unde a ngkota-Do Ue Alato!

Yesaya 10:12

Sine tempono Dopoko'umariomo i Ue luwuno anggaa-Do i torukuno Sioni ka i Yerusale, Ira humukuo laba mpauno mokole Asiuri anu nahi behe tenangi mpau ka peleluno mompelangka-langkai.

Yesaya 11:9

Nahina anu ta moweweu mosa'o ke anu mosa'o peleluno a luwuno torukuno-Ku anu mempori, hangano asa wawontolino bukeako ponto'ori ndi Ondae i Ue, kana montutuwi tahi malua.

Yesaya 14:13

Omue anu hieno motae i laro aroamu: Aku mewuatako i langi, aku montadeo kadera poparentaaku mewawoio anano wula-Do Ue Ala, ka aku mentoro a wawo ntorukuno pobitaraa-Do anu pabawa, a punsuno torukuno Saponi.

Yesaya 2:2

Ta gagi a oleo pokotampulaano: torukuno po'iangano raha-Do i Ue ta mentade lumaloio punsuno luwuno torukuno ka kontasi-tasi i wawono luwuno pongku; luwuno tongku ta hadio ntu'u melako i ra'ai,

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Yesaya 65:25

Serigala ka ana bimba ira mongkaa ewo meronga-ronga, singa ta mongkaa seami kana sapi ka ule ta tuwu inso a pampawu. Nahina anu moweweu mosa'o ke mogau mokoburu a luwuno torukuno-Ku,” pau-Do i Ue.

Yesaya 66:20

Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue.

Yehesikieli 39:2

Aku dumiiko ka tumaateko, saru moboiko inso i tompano utara ka wawako a luwuno torukuno Isaraeli.

Danieli 11:16

Mokole anu sumapoio ta moweweu po'eheno aroano, ka nahina maupo te'asa mia polio umaropio. Onae ta mentorokio Wita Tekosi ka poropua ta kongko a mpabawano.

Danieli 11:41

Onae ta mewinsokio mbo'u Wita Tekosi ka hadio mia ta tedonta. Sine, wita Edomi, wita Moabi ka mia anu hinao polaluano inso a inuleno i Amoni ta tola inso a ngkaeno.

Danieli 11:44

Sine lele inso i sabaano oleo ka i utara ta mokontededengkeo aroano, ranta onae ta meluarako saru tekudano anu langkai ta moropu ka mompepate hadio mia.

Danieli 2:35

Ia tempo koa mbo'u atuu terawoomo labu, wita pulu, mala, salaka ka wulaa atuu; luwuno gagi kana ota a mponsesaa i tempono motu'i-tu'i. Ka i'amba puurio angi, ranta maupo hangano nahi hinawe. Sine watu anu dumunsio tinaha atuu gagi torukuno langkai anu buketio asa wawontolino.

Danieli 7:26

Ka i'amba Majelisi Mpobitara ta mentoro, ka pabawano ta binuta ka rinawo-rawo ranta ka itampula.

Danieli 8:25

Hangano akalano, pompopo'oo anu wineweuno ta mehasili. Onae ta mompelangka-langkai i laro aroano, ka nahi kinookoo hadio mia ta pinepateno. Onae mbo'u ta mentade umewaio Mokoleno luwuno mokole, sine komba hangano poweweuno kaeno mia, onae ta rinawo-rawo.

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Danieli 9:20

Kontongaaku mepau, mekakai ka mangakuakono halaku ka halado tongkuku, tongku Isaraeli, ka mohaweo po'emaku i aro-Do i Ue, Ue Alaku tiano torukuno mempori-Do Ue Alaku,

Yoeli 2:20

Ponsapoi inso i utara Aku moko'olaio inso ndi omiu, ka Aku sumaario a wita anu mokari ka londa, baresi i arono a ntahi i sabaano oleo, ka baresi i bungkuno a ntahi i sumooano oleo. Mana moboo ka mana oruno ta mewuatako, hangano mongkokongiri ntu'u anu wineweuno.

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

Podoaa 34:5

Ka i'amba tida atuu melengkuako inso i Asimoni a ngkoro Masiri ka metompaako i tahi.

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TESALONIKA 2:8

i tempomo atuu anu umewa a songka ka i'amba ta mepokomengkaa, sine Ondae Ue Yesu Ira mepateakono penaa inso a nganga-Do ka Ira rumopuo, ba Dowali hawe.

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 20:2

irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,

MENGKAAA 20:9

Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,