Danieli 11:4 - Wunta Mempori

⁴ Sine da saraipo ipe'umbaako, poparentaano ta tepeha ka tetia montonda opaa mata angi inso i langi, sine komba a inuleno, ka nahina pabawa kana anu pine'ueno. Hangano, poparentaano ta tedonta ka gagi tiado mia anu susua.

Danieli 11:4 Iomraidhean Croise

Po'unde-unde 39:6

Kitao, butu ba opia otuwe koa Itantuio tinuwuku; ka tempo tumuwuku kana mooa i aro-Miu. Oo, mia butu tuwu tempono hinao penaano! Sela

Puu Pontutulu 4:8

Hinao asa mia tuwu asa-asano, nahina anano tama ke pepaekompo tama. Nahi hori menaa-naa pine'isei mo'angga ka matano mbo'u nahi pesompoo pompolino. Ipotae, ”Tiano isema pine'iseiku ka tumempuo pompesanaa?” Ndio mbo'u nahina tuduno ka marepaa anu mompokomasusa.

Yeremia 12:15

Sine, mansano Kubuta ira, Aku wali mehohawa ira. Aku mokule ira singge mia a ntia pusakano ka witano.

Yeremia 12:17

Sine, tewala nahi domebehe mperorongeakono, Aku butao luwu ka mepateo tongku atuu, kanandiomo pau-Do i Ue.”

Yeremia 18:7

Hinao tempono Ongkue mepau mongkona asa tongku ka mongkona asa poparentaa nine Aku butao, mobangkuo ka mepateo.

Yeremia 31:40

Luwuno lembono atuu, saru luwuno wata ngkoroi ka awuno pesombano, ka luwuno wita i wiwi ngkoro Kidironi hawe a nsiuno Pewowa Langkai Ngara te'aro i sabaano oleo, ta gagi mempori ndi Ondae i Ue, ka nahi ta rinawo-rawo ke pinobangku mbo'u ranta nahina tampulaano.”

Yeremia 45:4

Pauakono: kanandiomo pau-Do i Ue: Menteeano, hapa anu winangu-Ku Aku betao, ka hapa anu pinaho-Ku Aku butao, maupo asa wawo wita!

Yeremia 49:36

Aku mompotiiakono Elami opaa angi inso a opaa siuno langi ka sumiarawo ira a luwuno mata angi andio, ranta nahina tongku anu nahi domehaweio mia anu ntesiarawo inso i Elami.

Yehesikieli 37:9

Pau-Do ndi ongkue, ”Pauomo anu ta gagi a mpenaa atuu, pauomo anu ta gagi, hei anano mia, ka potaemo a mpenaa atuu: Kanandiomo pau-Do Ue Ala: Hei penaa, aiwamo inso a opaa siuno angi, ka pepuurimo i larodo mia anu mempinepate atuu, ka dowali mentuwu.”

Danieli 7:2

Motae i Danieli, ”Ia wongi ongkue mohawe pongkita, tengkita opaa angi inso i langi wemboo tahi langkai,

Danieli 7:6

Ka i'amba kukitao, tengkita asa kondehora susua, rupano kana nggapu langkai meboti-boti saru opaa panino manu-manu a bungkuno. Kondehora atuu me'ulu opaa ka ndi onae pinoweeako pabawa.

Danieli 7:8

Kontongaaku mekokoongako ira tandu atuu, tengkita tuwu i olono asa tandu susua anu kodei ranta otolu inso a ntandu se'eluno atuu tebuta. A ntandu atuu tengkita hinao mata kana matano mia ka nganga anu mompelangka-langkai.

Danieli 8:22

Tandu atuu tepudu ka i'amba ineuako opaa tandu, pengkonaano opaa poparentaa ta me'umbaako inso a tongku atuu, sine nahi pengkena morosono anu se'elu.

Danieli 8:8

Bembe lakino atuu tedoa mompelangka-langkai. Sine mansano hawe a tompaano pabawano, tandu anu langkai atuu tepudu, ka i'amba a mpo'iangano tuwu opaa tandu anu telanso, medede saru opaa mata angi i langi.

Sakaria 2:6

Hio, Hio! Pelulumo inso i Wita Utara, kanandiomo pau-Do i Ue, hangano te'aro a opaa mata angi Kusiarawo komiumo, kanandiomo pau-Do i Ue.

Sakaria 6:5

Mala'eka atuu sumangki ndi ongkue, ”Luwuno andio mpeluarako a opaa siuno langi umarido mpe'aro ndi Ondae Ueno asa wawontolino.”

I MATIU 12:25

Sine Doto'orio i Yesu pinewowolodo onaemo ka Dopotaeako ira, ”Sompo poparentaa anu terawo-rawo manasa ta tekale-kale ka sompo kota ke sombori anu terawo-rawo nahi pokompo'ia mpiha.

I LUKASI 12:20

Sine pau-Do Ue Ala ndi onae: Hei omue mia benge-benge, ia wongi koa mbo'u andio penaamu ta inala inso ndi omue, ka hapa anu upatindaomo, tiano isemake te'ingka?

MENGKAAA 7:1

Ka i'amba umarino atuu kukita ira opaa mala'eka pentade a opaa siuno tolino ka dome'ontoo opaa angi i tolino, ka si hina angi mepuuri a ntuwu wita, ke a ntahi ke a luwuno keu.