Danieli 11:37 - Wunta Mempori

³⁷ Luwuno mbo'u pinesombaido uempu'uno nahi ta merioo. Inunde-undedo beine ke pesombaa isuamo koa nahi ta merioo, hangano a luwuno atuu ta mompelangka-langkai.

Danieli 11:37 Iomraidhean Croise

Tegagia 3:16

Mepau Ira a beine atuu, ”Aku mokohadioo pe'iseimu tempono umentia; upe'ana komompemahaki; po'eheno aroamu te'aro a ntamamu, sine onae ta pabawaiko.”

Tegagia 3:5

Tendeano, Doto'orio Ue Ala, nine tempono ikaano matamiu ta te'ungkahi, ka komiu gagi kana Ondae Ue Ala, tumo'orio mongkona anu moiko ka anu mosa'o.”

Penani Maramba 7:10

Ongkuemo me'ueo pinehohawaku, po'eheno aroano te'aro ndi ongkue.

Yesaya 14:13

Omue anu hieno motae i laro aroamu: Aku mewuatako i langi, aku montadeo kadera poparentaaku mewawoio anano wula-Do Ue Ala, ka aku mentoro a wawo ntorukuno pobitaraa-Do anu pabawa, a punsuno torukuno Saponi.

Yesaya 14:14

Aku mewuatako lumaloio mantandedo seru, ka mengkenaako Ira Anu Tedoa Mantande!

Yehesikieli 24:16

”Hei anano mia, kitao, Aku umalao inso ndi omue onae anu tedoa ukekewoio, kana ikonao tula, sine siimo ponsabangi ke maupo mengese, ka siimo poluarako uwoi mata.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 11:38

Gagi euno luwuno atuu onae ta melangkaio pinesombai a luwuno bente. Pinesombai anu nahi domento'orio uempu'uno ta melangkaiakono wulaa ka salaka, paramata ka luwuno parewa anu masuli olino.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Winali 21:11

tewala mongkitako i olodo mia mentinawa atuu asa beine tekosi, ka inehemu umalao gagi beinemu,

Winali 5:21

Si monsisiriakono kombiano pe'asa miamu. Si monsisiriakono rahano ke lereno, atano tama ke beine, sapino ke kalideno, ke maupo hapa anuno pe'asa miamu.’

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

1 TIMOTIU 4:3

Ondae atuu me'onto ira mia mpekombia, me'onto ira mia mpongkaa kaanga anu pinokogagi-Do Ue Ala ka domengkaano mia anu mpompe'ala-ala ka anu mento'oriomo menteea saru mpontarimakasi.