Danieli 11:36 - Wunta Mempori

³⁶ Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 11:36 Iomraidhean Croise

Po'unde-unde 136:2

Pontarimakasimo ndi Ondae Ue Alado luwuno pinesombai! Menteeano ranta nahina tampulaano pompehohawa-Do.

Po'unde-unde 33:10

Ondae i Ue nahi Dopokogagio sinongkado luwuno tongku; Ondae umoninio sinongkado suku tongku;

Powadi 19:21

Hadioomo sinongka i aroano mia, sine pomputusi-Do koa i Ue anu gagi.

Yesaya 10:23

Mentee ntu'u, matea anu umarimo Dopakosio i Ue, Ueno luwuakoano, manasa ta pinokogagi i asa wawontolino.

Yesaya 10:25

Hangano nahi ta tehine mbo'u tekuda-Ku ndi omue tamomenaa-naa, ka tekuda-Ku ta weweu ira nterawo-rawo.

Yesaya 10:5

Masolaomo ntu'u Asiuri, ponsepino tekuda-Ku anu kaeno uminio tuko tekuda-Ku!

Yesaya 14:13

Omue anu hieno motae i laro aroamu: Aku mewuatako i langi, aku montadeo kadera poparentaaku mewawoio anano wula-Do Ue Ala, ka aku mentoro a wawo ntorukuno pobitaraa-Do anu pabawa, a punsuno torukuno Saponi.

Yesaya 14:14

Aku mewuatako lumaloio mantandedo seru, ka mengkenaako Ira Anu Tedoa Mantande!

Yesaya 26:20

Aiwamo tongkuku, pewinsomo a laro bolongkomu, tondoomo tondo i bungkumu, pewunimo tesarai koa, hawe ka imorini tekuda atuu.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 46:10

Ongkuemo anu pauo inso a pompu'uano mongkona luwuakoano anu pokotompa ka inso a tempo se'eluno ntu'u hapa anu napi pinokoweweu, anu motae: Tinoo-Ku ta gagi, ka luwuno po'ehe-Ku Aku weweuo.

Yesaya 57:9

Omue aiwa me'aro ndi Molo saru mowawa lana ka mompokohadio mina-minamu. Utena ira saru ngkarumu melako a mpo'ianga olai, ranta metii hawe ia mpo'iangado mia mate.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 35:13

Saru pinau atuu omue mompelangka-langkai umewai Aku ka hadio ntu'u paumu ndi Ongkue; Ongkue rumongeo.

Danieli 11:16

Mokole anu sumapoio ta moweweu po'eheno aroano, ka nahina maupo te'asa mia polio umaropio. Onae ta mentorokio Wita Tekosi ka poropua ta kongko a mpabawano.

Danieli 11:3

Ka i'amba asa mokole anu moroso ka mosia ta me'umbaako ka moparenta saru pabawa anu langkai ka moweweu po'eheno aroano.

Danieli 11:37

Luwuno mbo'u pinesombaido uempu'uno nahi ta merioo. Inunde-undedo beine ke pesombaa isuamo koa nahi ta merioo, hangano a luwuno atuu ta mompelangka-langkai.

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Danieli 7:8

Kontongaaku mekokoongako ira tandu atuu, tengkita tuwu i olono asa tandu susua anu kodei ranta otolu inso a ntandu se'eluno atuu tebuta. A ntandu atuu tengkita hinao mata kana matano mia ka nganga anu mompelangka-langkai.

Danieli 8:19

Mepauomo, ”Kupauakomu hapa anu ta gagi i tompano tekuda andio, hangano mongkona atuu onaemo mongkona tampulaano wawontolino.

Danieli 8:4

Kukitao bimba lakino atuu metandu te'aro i sumooano oleo, i utara ka i selata. Nahina maupo te'asa kondehora anu moko'aropio, ka nahina anu polio mepotola inso a mpabawano; onae moweweu po'eheno aroano ka mompelangka-langkai.

Sakaria 11:16

Hangano menteeano, Aku mokohinao i wita andio asa mia puu mpopakambi anu nahi perioo anu moliu, nahi ungkeo anu tetadi, nahi pokotompao anu mobela, nahi pekakaakono anu madoo, tendeano mongkaa bauno anu mewalo ka butao kukudo.

I YOHANE 5:30

Nahi Kupolio moweweu hapa-hapa inso a ngkoroi-Ku Ongkue-Ku; Kupobitara menunu saru hapa anu rinonge-Ku, ka pobitara-Ku moleo, hangano nahi Kutondao po'ehe-Ku Ongkue-Ku, tendeano po'ehe-Do anu tumena Aku.

I YOHANE 6:38

Hangano metii Akumo inso i suruga komba ka Kupoweweu po'ehe-Ku, sine ka Kuweweuo po'ehe-Do anu tumena Akumo.

WINEWEUDO TINENA 4:28

ka weweuo luwuakoano anu se'eluomo Ipakonsiakono pabawa ka po'ehe-Miu.

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

2 TESALONIKA 2:3

Maupo ba kana'umpe si mebehe dompopo'oo komiu mia! Hangano se'eluno Oleo atuu asalakono hawe se'elu pepoura ka asalakono pinokomengkaa se'elu mia mo'ewai songka, anu asalakono mate,

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TESALONIKA 2:8

i tempomo atuu anu umewa a songka ka i'amba ta mepokomengkaa, sine Ondae Ue Yesu Ira mepateakono penaa inso a nganga-Do ka Ira rumopuo, ba Dowali hawe.

Yosua 22:22

”Ondae i Ue, Ue Ala i wawono luwuakoano anu pinesombai! Ondae i Ue, Ue Ala i wawono luwuakoano anu penesombai! Ondaemo anu tumo'orio, ka pototonomo to Isaraeli ka domento'orio koa. Ba mansa ndio ta gagi, ka tinoo mami umewai ira, ka nami kimpetenunu ndi Ondae i Ue, po'ineeomo Ondae i Ue nahi Dotolosi kami oleo andio.

MENGKAAA 10:7

Sine i tempono unino tawuwua inso a mala'eka anu ko'opitu, onaemo tewala ipuurio tawuwuano, ka tamo inihii pomputusi rahasia-Do Ue Ala, kana anu Dopaleleako iramo tetenaa-Do, onaemo luwuno nabi.”

MENGKAAA 12:14

A beine atuu wineeako orua panino singko langkai, ka ipenee lumako a mpo'iangano i pada one, i ra'ai ipinekaria olai inso a mpo'iangano ule atuu i larono aasa tempo ka orua tempo ka entonga tempo.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 17:17

Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 17:3

A laro Penaa Dowawa aku i pada one. Ka kukitao aasa beine mesawi a wawo aasa kondehora anu motaha wungo, anu buke teburiako nee pompepaukiako. Kondehora atuu hinao opitu uluno ka hopulu tanduno.