Danieli 11:16 - Wunta Mempori

¹⁶ Mokole anu sumapoio ta moweweu po'eheno aroano, ka nahina maupo te'asa mia polio umaropio. Onae ta mentorokio Wita Tekosi ka poropua ta kongko a mpabawano.

Danieli 11:16 Iomraidhean Croise

Yesaya 8:8

saru merumpa mewinso i Yehuda, sumampuo ka mowo hawe a we'u. Tewileno panino ta tumutuwio luwuno witamu.” Sine Ondae Ue Ala kumongkomi kita!

Yeremia 3:19

Kupewowoloo, ”Mentee ntu'u Aku pakosiko gagi nana'ote-Ku ka moweeakomu wita anu tekosi, tia pusaka anu lalu tekosi inso a luwuno tongku. Kupewowoloo, omue komoboi Aku: Amaku, ka nahi komewolili mebinta Aku.

Danieli 11:3

Ka i'amba asa mokole anu moroso ka mosia ta me'umbaako ka moparenta saru pabawa anu langkai ka moweweu po'eheno aroano.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 11:41

Onae ta mewinsokio mbo'u Wita Tekosi ka hadio mia ta tedonta. Sine, wita Edomi, wita Moabi ka mia anu hinao polaluano inso a inuleno i Amoni ta tola inso a ngkaeno.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 8:4

Kukitao bimba lakino atuu metandu te'aro i sumooano oleo, i utara ka i selata. Nahina maupo te'asa kondehora anu moko'aropio, ka nahina anu polio mepotola inso a mpabawano; onae moweweu po'eheno aroano ka mompelangka-langkai.

Danieli 8:7

Kukitao i'umpedaakono bimba lakino atuu. Onae tekuda, ka i'amba tumanduo bimba lakino atuu, saru puduakono orua tanduno. Bimba lakino atuu nahi polio umaropio; onae ipepasiakono i tolino ka ilolandao, ka nahina anu motolao bimba lakino atuu inso a mpabawano.

Danieli 8:9

Ka i'amba inso i olono asa tandu atuu me'umbaako tandu kodei anu gagi tedoa langkai te'aro i selata, te'aro i sabaano oleo, ka te'aro i Wita Tekosi.

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.