Danieli 11:12 - Wunta Mempori

¹² Mansano rumopu ira sorodadu hadio atuu, aroano ta mo'unde. Onae mompepateomo mapasowu-sowu mia, sine nahi ta moroso mpiha.

Danieli 11:12 Iomraidhean Croise

2 Mokole 14:10

Omue lano unangiomo Edomi, onaemo kau pompelangka-langkai. Po'undeakonomo ponangimu ka po'iamo i rahamu. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

2 Tawarika 25:19

Pinewowolomu, omue lano unangiomo Edomi, onaemo kau pompelangka-langkai kau pohawe pompelangkai. Kanandio-andio, po'iamo koa i raha. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

2 Tawarika 32:25

Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako.

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Yehesikieli 28:17

Omue mompelangka-langkai hangano tekosimu, ponto'orimu anu mentee uropuo hangano marambamu. I tolino Kupetadiakomu, a luwuno mokole Kupeweengakomu gagi kikitaano matado.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 28:5

Saru pandemu ntu'u mebalu-balu omue mokohadioo kaeamu, ka hangano atuu omue gagi mompelangka-langkai.

Danieli 11:11

Tekudaomo mokole i wita Selata, ka i'amba lumako metea umewaio mokole i wita Utara, anu mowawaomo sorodadu hadio ntu'u, sine sorodadu hadio andio ta tedonta a ngkaeno iwalino.

Danieli 11:13

Mokole i wita Utara atuu ta wali mowawa sorodadu anu hadio, laluaopo hadio sekono anu amba-ambano. Ba'opia nta'u lembuino, onae ta lumako umewaiakono sorodadu anu hadio ka hadio parewa mpetea.

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Danieli 8:25

Hangano akalano, pompopo'oo anu wineweuno ta mehasili. Onae ta mompelangka-langkai i laro aroano, ka nahi kinookoo hadio mia ta pinepateno. Onae mbo'u ta mentade umewaio Mokoleno luwuno mokole, sine komba hangano poweweuno kaeno mia, onae ta rinawo-rawo.

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

1 TIMOTIU 3:6

Onae komba mia anu da sarai itepidi, ka si gagi mompelangka-langkai ka ikonao hukuno i Mosa'o.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”