Danieli 11:11 - Wunta Mempori

¹¹ Tekudaomo mokole i wita Selata, ka i'amba lumako metea umewaio mokole i wita Utara, anu mowawaomo sorodadu hadio ntu'u, sine sorodadu hadio andio ta tedonta a ngkaeno iwalino.

Danieli 11:11 Iomraidhean Croise

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

Po'unde-unde 76:10

i tempono Dopentade Ue Ala Ira mobitara, ka kumadudui ira luwuno anu tepokonsii i tolino. Sela

Yeremia 27:6

Kanandio-andio, Kupeweengakono luwuno wita andio a ngkaeno tetenaa-Ku, i Nebukanesa, mokole i Babeli. Maupo kondehora mo'ila Kupeweengakonomo ka dompetuundu ndi onae.

Danieli 11:12

Mansano rumopu ira sorodadu hadio atuu, aroano ta mo'unde. Onae mompepateomo mapasowu-sowu mia, sine nahi ta moroso mpiha.

Danieli 11:40

A tampulaano wawontolino mokole i wita Selata ta metea umewaio mokole i wita Utara anu ta sumapoiakono kareta ka mia mpengara, saru hadio kapala. Mokole andio ta mewinsoki ira wita sumompoo ka uma'eo luwu kana lolowi.

Danieli 11:44

Sine lele inso i sabaano oleo ka i utara ta mokontededengkeo aroano, ranta onae ta meluarako saru tekudano anu langkai ta moropu ka mompepate hadio mia.

Danieli 11:5

Mokole i wita Selata ta gagi moroso. Sine, asa mia inso i olodo tadulakono ta gagi morosoopo sekono onae ka mia andio moparenta, ka i'amba pabawano ta gagi pabawa anu langkai.

Danieli 2:38

A ngkaemiu ueku Dopeweengakonomo luwuno anano mia isuamo koa dompo'ia, luwuno kondehora a mpada ka manu-manu i laro meene, ka omiu ueku Doweweu komiu gagi pabawaio luwuno atuu. Omiumo ueku uluno tinaha inso a wulaa atuu.

Danieli 8:7

Kukitao i'umpedaakono bimba lakino atuu. Onae tekuda, ka i'amba tumanduo bimba lakino atuu, saru puduakono orua tanduno. Bimba lakino atuu nahi polio umaropio; onae ipepasiakono i tolino ka ilolandao, ka nahina anu motolao bimba lakino atuu inso a mpabawano.