Danieli 10:8 - Wunta Mempori

⁸ Kanatuumo kupo'ia asa-asaku. Tempono kukitao pongkita anu langkai atuu, tetadi rosoku, rupaku gagi tedoa momite, ka nahina mbo'u rosoku.

Danieli 10:8 Iomraidhean Croise

Tegagia 32:31

Sabaomo oleo i wawono tempono itelalo i Penieli, ka onae modingge hangano puu pa'ano.

Peluarakoa 3:3

Motae i Musa, ”Aku pansia raane, aku paresao pepopokita anu mongkokongiri arau. Tembio ewo rui atuu nahi mo'ai?”

Danieli 10:16

Sine hinao asa anu kana mia tumengkuo wiwiku. Ongkue mbo'u mompu'u mepau, kupotaeakono anu mentade i aroku atuu, ”Ueku, hangano pongkita atuu i'alu aku pompemahaki ka nahina mbo'u rosoku.

Danieli 10:17

Nde kana'umpe ka igagi ongkue, tetenaamiu andio ueku ka ipokompepau saru omiu? Kombake nahina mbo'u rosoku ka nahina mbo'u toreano penaaku?”

Danieli 7:28

Tompamo i ndi'ai tutuluno, Ndio mbo'u ongkue i Danieli, luwuno pinewowoloku tedoa mokodanggara aku ka gagi aku momite. Sine, mongkona atuu kunaao i laro aroaku.”

Danieli 8:27

Ongkue, i Danieli, mokendo ka gagi mahaki ba'opia oleo tehineno. Ka ku'amba mewangu mo'anggaako ira mokole. Tekokodoho aku hangano pongkita atuu, sine nahi kupokonto'orio.

Danieli 8:7

Kukitao i'umpedaakono bimba lakino atuu. Onae tekuda, ka i'amba tumanduo bimba lakino atuu, saru puduakono orua tanduno. Bimba lakino atuu nahi polio umaropio; onae ipepasiakono i tolino ka ilolandao, ka nahina anu motolao bimba lakino atuu inso a mpabawano.

Habaku 3:16

Tempono kurongeo, mondendeomo aroaku, rumongeo unino, bibiomo wiwiku; pompemekiki mewinso a laro wukuku, ka pelempano karuku mondidi-ndidi. Ka kupomperodo sumikorio oleo masusaa, anu ta umaluo tongku anu sumapoi kami.

I MATIU 17:6

Rumongeo pau atuu luwuno ana guru-Do mpenggolontu rupado hawe a wita ka tedoa ira medoito.

I MARAKUSU 9:6

Ka ipepau kanandio, hangano nahi to'orio hapa anu asalakono ipauo, hangano tedoa ira medoito.

I YOHANE 16:32

Kitao, hawe tempono, tendeano haweomo, nine mensiniarawo komiu singge mia lumako a mpo'iangano onaeno ka imebinta Aku asa-asa-Ku. Sine komba asa-asa-Ku, hangano Ondae i Ama kumongkomi Aku.

2 KORINTI 12:7

Ka si kupompelangka-langkai hangano luwuno pepokomengkaa anu tedoa kinohali-haliako atuu, ka ongkue pinoweeako aasa rui a laro ihiku, onaemo asa mia tinenano i Mosa'o ka itidu aku meroku, ka si kupompelangka-langkai.

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,