Danieli 10:19 - Wunta Mempori

¹⁹ Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Danieli 10:19 Iomraidhean Croise

Po'unde-unde 138:3

A oleo kupebooli, Isangki aku ka tumiangio roso a laro sumangaku.

Yesaya 35:4

Pauako iramo mia anu motewe aroado, ”Impokorosoo aroamiu, siimo imedoito! Kitaomo, Ondae Ue Alamiu Ira hawe saru pombaloa, saru pohuku-Do Ue Ala. Ondae isa'a hawe kumadudui komiu!”

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Danieli 10:18

Ka i'amba anu rupano kana mia atuu tumengku aku mbo'u ka moweeakune roso.

Danieli 9:23

Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Sakaria 8:13

Tewala i ndi'ipua megagi komiumo totonaa i olodo luwuno tongku, hei suku Yehuda ka suku Isaraeli, kanandio-andio Aku kumadudui komiu, ranta ka imegagi ronso. Siimo doito, pokorosoomo aroamu!”

Sakaria 8:9

Kanandiomo pau-Do Ueno luwuakoano, ”Pokorosoomo aroamu, hei luwuno mia anu lano rumongeomo pau andio, anu pinohawedo nabi, tempono i wineweu pondasino Raha-Do Ueno luwuakoano, ka iwinangu Raha Mempori atuu.

I YOHANE 11:3

Ka i Lasaru anu mahaki atuu onaemo pepaekompono. Beine orua ira atuu me'oliwiako Ira i Yesu, ”Ue, onae anu pinehohawa-Miu, mahaki.”

I YOHANE 11:36

Dompotae to Yahudi, ”Kitaomo, tedoa Dopehohawao!”

I YOHANE 11:5

Ondae i Yesu lano Dopehohawa ira i Marita ka akano ka i Lasaru.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

I YOHANE 19:26

Tempono Dokitao i Yesu ine-Do ka ana guru-Do anu pinehohawa-Do i horido, Dopotaeako ira ine-Do, ”Ine, ndiomo, anamiu!”

I YOHANE 21:20

Mansano mewolili i Peturu, ikitao nine ana guru anu pinehohawa-Do i Yesu kontongaano tumonda ira, onaemo ana guru anu i tempono kontongaado mpongkaa mperonga mentoro umpeda ndi Ondae i Yesu ka anu motae, ”Ue, isemake onae anu ta meweengako Komiu?”

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

EPESU 6:10

Poko'ariano, imemorosomo ndi Ondae i Ue, a morosono pabawa-Do.

2 TIMOTIU 2:1

Onaemo pu'uno, hei anaku, gagimo moroso hangano pe'aroa ndi Ondae i Kerisituu Yesu.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,

Puu Mpobitara 6:23

Sine Pau-Do i Ue ndi onae, ”Tekaduduikomo! Si doito, nahi komate.”