Danieli 10:12 - Wunta Mempori

¹² Ka i'amba motaeakune, ”Siimo doito, Danieli, hangano mompu'u oleo amba-ambano upontoo ka upohawe ponto'ori ka kome'urumako i aro-Do Ue Alamu rinongeomo pinaumu. Ongkue aiwa hangano pinaumu atuu.

Danieli 10:12 Iomraidhean Croise

Po'unde-unde 69:10

hangano mawongkono kumekewoio raha-Miu mokomo'ai aku, ka pontatado mia tumatako-Miu umalu aku.

Yesaya 35:4

Pauako iramo mia anu motewe aroado, ”Impokorosoo aroamiu, siimo imedoito! Kitaomo, Ondae Ue Alamiu Ira hawe saru pombaloa, saru pohuku-Do Ue Ala. Ondae isa'a hawe kumadudui komiu!”

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 58:9

I tempomo atuu omue komebooli ka Ondae i Ue Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi,

Yesaya 65:24

Napi dompebooli, sumangki Akumo; tempono ondae da mpepau, Kurongeomo.

Danieli 10:11

Ipotaeakune, ”Danieli, omue mia anu pinehohawa, pe'ihilaroomo pau anu kupauakomu, ka pentademo, hangano kanandio-andio ongkue tinena aiwa ndi omue.” Mansano pauakune mongkona atuu, mentade akumo saru mondidi-ndidi.

Danieli 10:19

Ipotae, ”Hei omue anu pinehohawa, siimo doito! Manangaikomo, gagimo moroso, oo, gagimo moroso!” Kontongaano mepau saru ongkue, mompemoroso akumo mbo'u ka kupotae, ”Po'ineeomo ka Ipepau Ueku, hangano Ipowee akumo roso.”

Imama 16:29

Onaemo andio anu asalakono gagi pompakosi ranta nahina tampulaano ndi omiu: a wula ko'opitu, tanggala hopulu wula atuu asalakono impe'urumako saru mempuasa ka si mpoweweu anggaa hapamokoa, maupo bawaa ntu'u ke maupo mia hawe anu mpo'ia i tonga-tongamiu.

Imama 16:31

Oleo atuu asalakono gagi oleo saba, oleo penaa-naaa buke, ndi omiu ka asalakono impe'urumako kai mempuasa. Onaemo pompakosi ranta nahina tampulaano.

Podoaa 29:7

Ia oleo kohopulu wula anu ko'opitu atuu, asalakono impoweweu tepumpua mempori ka mpe'urumako saru mempuasa; si mpo'angga anggaa hapamokoa.

I MATIU 28:10

Ka Dopotaeako ira i Yesu, ”Si medoito. Imelako ka imempauako iramo pepaekompo-Ku, ka domelako i Galilea, ka i ra'aimo ira mengkita Aku.”

I MATIU 28:5

Sine mala'eka atuu motaeako ira beine atuu, ”Siimo imedoito; hangano kuto'orio ime'ungke Ira i Yesu anu pinaso a ngkeu pinotamba atuu.

I MARAKUSU 16:6

sine ipotaeako ira mangalitau atuu, ”Si medoito! Inungkemiu Ondae i Yesu to Nasare, anu pinaso a ngkeu pinotamba atuu. Mewangu Iramo. Nahi Dokongko i ndi'ai. Kitao! I ndi'aimo dopombole Ira.

I LUKASI 1:13

Sine ipotae mala'eka atuu ndi onae, ”Si doito, hei Sakaria, hangano pekakaimu ininduomo ka i Elisabe, beinemu, ta me'anaakomu aasa ana ntama ka asalakono konumeeakono i Yohane.

I LUKASI 1:30

Mala'eka atuu motaeakono, ”Si doito, hei Maria, hangano omue mohawe pompehohawa i aro-Do Ue Ala.

I LUKASI 2:10

Ka i'amba mala'eka atuu motaeako ira, ”Si medoito, hangano menteeano kupopoto'oriakomiu mawongkoa langkai tiado luwuno tongku:

I LUKASI 24:38

Sine Dopotaeako ira, ”Tembio ka imentededengke ka hapa pu'uno ka inanta-nata i laro aroamiu?

WINEWEUDO TINENA 27:24

ka ipotae: Si doito, Paulu! Omue asalakono kohawe i arono Datu. Ka menteeano hangano pompehohawa-Do Ue Ala, luwuno mia anu mekongko saru omue a ngkapala andio ira ntekadudui hangano omue.

MENGKAAA 1:17

Tempono kukita Ira, menggolontu akumo a mpuu karu-Do mengkena kana mia anu mate. Sine Dodampoakune kae ngkoana-Do ka Do'amba mepau, ”Si doito! Ongkuemo Anu Amba-ambano ka Anu Pokotompa,