Danieli 10:1 - Wunta Mempori

¹ A nta'u ko'otolu poparentaano i Koresi, mokoledo to Peresia, asa pau pinokomengkaa ndi Danieli anu nineeako i Beletasasari. Pau atuu mentee ka mongkona petea anu langkai. Onae mokonto'orio pau atuu ka ponto'orino atuu ihaweo a laro pongkita atuu.

Danieli 10:1 Iomraidhean Croise

Tegagia 41:32

Hawe pendua mo'ipi atuu iwinali ndi omiu ueku Pirao pengkonaano mongkona atuu Dopakosiomo Ue Ala ka Ondae Ue Ala Ira ronga mokogagio.

2 Tawarika 36:22

A nta'u ko'asa poparentaano i Koresi mokole i Perisia, Ondae i Ue lumeluo aroano i Koresi mokole i Peresia atuu, kai inihii pau-Do i Ue anu pinauno i Yeremia. Ka i'amba pinalele pau ka teburi pepopoto'ori andio a luwuno poparentaano, kanandio,

Esera 3:7

Ka do'amba mpoweako ira doi puu mpo'angga watu ka keu, ka a nto Sidoni ka to Tirusi, dompoweeako ira kaanga, inua, ka lana, hangano ondae andio mpowawa keu arasi inso i Libano hawe a ntahi umpeda i Yapo, kana anu i'induako iramo i Koresi, mokole i Peresia.

Esera 4:3

Sine, i Serubabeli, i Yesua ka luwuno petewawa sukudo to Isaraeli anu susua potaeako ira, ”Nahina pabawamiu a mpowangua Raha-Do Ue Ala mami, hangano butukoa omami anu mpowanguako Ira i Ue, Ue Ala to Isaraeli, kana parentano i Koresi, mokoledo to Peresia, ndi omami.”

Esera 4:5

Tendeano, i tempo poparentaano i Koresi, mokole i Peresia, hawe i tempo poparentaano i Dariusu, mokole i Perisia, dompopandei ira puu mpompatudu umewai ira to Yehuda, ka sumosanggolio tinoodo.

Esera 6:14

Luwudo mia pinemota'udo to Yahudi mpowangu mpiha ka moroso aroado, hangano pipaudo nabi Hagai ka i Sakaria anano i Ido anu ta gagi. Dompoko'umario powangua atuu montonda parenta-Do Ue Alado to Isaraeli ka parentano i Koresi, i Dariusu ka i Aritahasasita, mokole i Perisia.

Esera 6:3

Ta'u amba-ambano poparentaano mokole Koresi, linuarakoomo parentado mokole Koresi: Mongkona Raha-Do Ue Ala i Yerusale, asalakono raha atuu wali winangu gagi po'iangado mia mpopesombaako pesomba sinumbele, ka pondasino a mpo'iangano se'elu. Mantandeno asalakono nomo pulu hiku ka maluano nomo pulu hiku,

Yesaya 44:28

Ongkuemo anu mepau mongkona Koresi: Onae puu pompakambi-Ku. Luwuno po'ehe-Ku ta umihiio saru pauo mongkona Yerusale: Moikoomo iwinangu! Ka mongkona Raha Mempori: Moikoomo ipinundasi!”

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 1:21

I Danieli kongko i ra'ai hawe ta'u amba-ambano poparentaano i Koresi.

Danieli 1:7

Petewawado pegawai langkanae atuu mompowee nee susua ndi ondae: i Danieli ineeakono i Beletasasari, i Hanania ineeakono i Sadaraki, i Misaeli ineeakono i Mesaki ka i Asaria ineeakono i Abenego.

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 11:2

”Onaemo pu'uno, aku koa pauakomu menteea. Menteeano, otolu mbo'u mokole ta me'umbaako i wita Peresia, ka anu ko'opaa ta lalua kaea lumaluio luwudo. Mansano gagiomo moroso hangano kaeano, ta umoluako ira luwu ka dome'ewaio poparentaa Yunani.

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Danieli 12:9

Isangki aku, ”Lakomo, Danieli, hangano pau andio ta winuni mpiha ka tetondoni hawe a mpokotompaano tempo.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 4:8

Poko'ariano i Danieli aiwa me'aro ndi ongkue, i Danieli anu nineeako i Beletasasari montonda neeno pinesombaiku ka anu bukeako penaado pinesombai anu mempori. Ka ku'amba tumutuluakono mo'ipi atuu:

Danieli 5:12

Hangano penaa nahi kana anu mehano, ponto'ori ka pinewowolo molino anu mokopauo pengkonaano mo'ipi, mosabao luwuakoano anu tewuni, ka mompokomoiko teweweu anu silolonga koongko a mia atuu; onae atuu i Danieli anu doneeakono mokole i Beletasasari. Laluopo kanandio-andio ipinoboi i Danieli ka onae ta pauo pengkonaano!”

Danieli 5:17

Ka i'amba i Danieli sumangki ira mokole, ”Inaaomo pompoweemiu ke iweeakono mia susua pompelangkaimiu ueku! Maupo kanatuu, aku koa basaakomiu binuri atuu ka pauakomiu pengkonaano.

Danieli 6:28

Ondae mompotola ka montulungi, moweweu petondoni ka anu kinohali-haliako i langi ka i tolino. Ondaemo anu motolao i Danieli inso a mpekapodo singa.”

Danieli 8:16

Kurongeo inso a ntongano Koro Ulai atuu suarano mia anu mebooli, ”Gabarieli, weweuomo mia andio ka ito'orio pongkita atuu!”

Danieli 8:26

Ndio mbo'u pongkita mongkona ngkiniwia ka mo'oru atuu, hapa anu pinau atuu mentee. Sine omue, naaomo ilaro aroamu pongkita atuu, hangano pongkita atuu mongkona oleo lembuino anu da olai.”

I LUKASI 1:20

Menteeano kogagi beebe ka nahi komokompepau hawe a oleo, ka igagi luwuno andio, hangano nahi upe'ala-alao pinauku anu ta mengkaa menteeano a tempono.”

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”