Danieli 1:2 - Wunta Mempori

² Ondae i Ue meweengakono i Yoyakimi, mokoledo to Yehuda, ka asa ntia parewa a Raha-Do Ue Ala a ngkaeno. Luwuno atuu iwawao i wita Sineari, a raha mpesombaano. Parewa atuudo inaao a laro mponaapa arataa pinesombaano.

Danieli 1:2 Iomraidhean Croise

Tegagia 10:10

A pompu'uano poparentaano onaemo Babeli, Ereki, ka Akadi, luwuno i wita Sineari.

Tegagia 11:2

Tempono luwuno mia mpelungka melako i sabaano oleo ka domehaweo lembono i wita Sineari, merodo iramo mpo'ia i ra'ai.

2 Mokole 24:1

I tempono poparentaano i Nebukanesa, mokoledo to Babeli, lumako monsapoi. I Yoyakimi metenunu ndi onae otolu nta'u tehineno. Sine lembuino onae mewolili umewaio i Nebukanesa.

2 Tawarika 36:5

Tinuwuno i Yoyakimi rua pulu ka olima nta'u tempono igagi mokole ka hopulu ka asa nta'u tehineno ipoparenta i Yerusale. Onae moweweu anu mosa'o a pongkita-Do i Ue, Ue Alano.

2 Tawarika 36:7

Ka ba'opia parewano Raha-Do i Ue iwawao i Nebukanesa i Babeli ka inaao a langkanaeno i Babeli.

Esera 1:7

Mokole Koresi metena mbo'u lumuarakono parewano Raha-Do i Ue anu winawano i Nebukanesa inso i Yerusale ka inaao a laro raha pesombaa susua.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 42:24

Isemake anu meweengakono i Yako ka irinontu, ka i Isaraeli a anu mompomuru? Kombake Ondae i Ue isa'a? Hangano, mentehala kitamo ndi Ondae. Ondae nahi domebehe mentondao sala-Do, ka pompaguru-Do nahi dobehe merongeo.

Yeremia 25:1

Pau anu hawe ndi Yeremia mongkona luwuno to Yehuda a nta'u ko'opaa poparentaano i Yoyakimi ana ntamano i Yosia, mokoledo to Yehuda, onaemo a nta'u amba-ambano poparentaano i Nebukanesa, mokole i Babeli.

Yeremia 27:16

A luwuno sando mpesomba ka luwuno palili andio mbo'u ongkue mepau, ”Kanandiomo pau-Do i Ue: Si mperorongeakono pinaudo nabimiu anu mpompau ndi omiu: ’Menteeano, nahi tehine mbo'u parewano Raha-Do i Ue ta winawa mekule inso i Babeli!’ Hangano ondae mpompau anu ta gagi nahi mentee ndi omiu.

Yeremia 28:3

I larono orua nta'u andio Aku mokuleo a mpo'ianga andio luwuno parewano Raha-Do i Ue anu inalano i Nebukanesa, mokole i Babeli inso a mpo'ianga andio ka winawa i Babeli.

Yeremia 35:11

Sine tempono i Nebukanesa, mokole i Babeli, aiwa sumapoio wita andio, mpotae kami: Aiwa tompolai melako i Yerusale, hangano sorodadudo to Kasidimi ka sorodadudo to Arami atuu! Kanatuumo kimpo'ia i Yerusale.”

Yeremia 50:2

”Pauomo i olodo luwuno tongku ka paleleomo, wuatako iramo bandera ka paleleomo, si wunio, pauomo: Babeli pinongko'alaomo, Pinesombai Bela pinokoko'ii, i Merodaki tededengke! Luwuno tinahano pinokoko'ii, luwuno lahumoano ntededengke!

Yeremia 51:44

Aku humukuo Pinesombai Bela i Babeli, ka lumuarakono inso a ngangano hapa anu tineleno. Luwuno tongku nahi ira mewaa mbo'u ndi onae; rere watuno mbo'u Babeli tehoaomo.

Danieli 5:13

Ka i'amba i Danieli winawa me'aro ndi ondae mokole. Mesikenoomo mokole ndi Danieli, ”Omueke i Danieli atuu, asa mia i olodo mia mentinadi anu winawado mokole, amaku, inso i wita Yehuda?

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Habaku 1:16

Onaemo pu'uno ka ipesombaakono pesomba tiano buanino ka itunuo pesomba tiano salano. Hangano luwuno parewa atuu hinaweno hadio ntu'u ka urano tedoa hadio.

Sakaria 5:11

Sangkino ndi ongkue, ”I wita Sineari, ta powangu raha pelahumoaado beine atuu. Tewala tetindaomo, onae ira menaao i ra'ai a mpentadeano onaeno.”

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

Puu Mpobitara 3:8

Onae pu'uno ka itensila tekuda-Do i Ue a nto Isaraeli, onae ka Do'asa ira a nto Kusani-Risataimi, mokole Arami-Mesopotamia. Ka to Isaraeli mpetuundu ira ndi Kusani-Risataimi oalu nta'u tehineno.

Puu Mpobitara 4:2

Ka Ondae i Ue meweengako ira a ngkaeno i Yabi, mokole to Kana'a, anu meparenta i Hasoro. Tadulako sorodadudo, onaemo i Sisera, anu mo'ia i Haroseti-Hagoimi.

1 Samueli 5:2

Dome'alao to Pelisiti burua pedandia-Do Ue Ala atuu ka domewawao i raha mpesombaa Dagoni. Domenaao i horino Dagoni.