Danieli 1:19 - Wunta Mempori

¹⁹ Mokole mepau-pauako ira, ka i olono luwudo atuu nahi hinawe maupo te'asa mia anu mengkena saru i Danieli, i Hanania, i Misaeli ka i Asaria. Ondae mpo'angga tiado mokole.

Danieli 1:19 Iomraidhean Croise

Tegagia 41:46

Tinuwuno i Yusupu tolu pulu nta'u tempono ipo'angga ndi Pirao, mokole i Masiri. Ka i'amba i Yusupu lumako inso i arono i Pirao ka lumimbuo luwuno wita Masiri.

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

Powadi 22:29

Horikoke mongkita mia anu pande ntu'u a laro mpo'anggaano? I arodo luwuno mokole onae ta mentade, komba i arodo mia anu pinokongkodei.

Yeremia 15:19

Onaemo pu'uno kanandiomo pau-Do i Ue, ”Tewala inehemu mepokule, Aku mokuleko gagi puu pompekakaako-Ku, ka tewala mompauko hapa anu mentudu ka komba anu mokoburu, asalakono omue kogagi ponsombu elo ndi Ongkue. Maupo ira mpepokule ndi omue, omue siimo pepokule ndi ondae.

Danieli 1:18

A pokotompaano tempo anu pinakosido mokole ka domewinawa mpe'aro, ondae dowawa ira petewawado pegawai langkanae atuu i arono i Nebukanesa.

Danieli 1:4

Ondae atuudo mia mongura anu nahina tataado, tekosi koroido, mokonto'orio mperupa-rupa ponto'ori, hadio ponto'orido, hinao ponto'orido mongkona pepaguru, ka pande mpo'angga a laro langkanaedo mokole. Ira mempinaguru mpoburi ka paudo to Kasidimi.

Danieli 1:5

Mokole pakosiako ira hadiono tiado sompo oleo inso a ngkaangado mokole ka inso a anggoro anu wela ininudo. Ondae asalakono mempinaguru otolu nta'u tehineno, ka umarino atuu ondae asalakono mpo'angga tiado mokole.

Danieli 1:6

I olodo atuu kongko i Danieli, i Hanania, i Misaeli ka i Asaria inso a inuleno i Yehuda.

Danieli 1:7

Petewawado pegawai langkanae atuu mompowee nee susua ndi ondae: i Danieli ineeakono i Beletasasari, i Hanania ineeakono i Sadaraki, i Misaeli ineeakono i Mesaki ka i Asaria ineeakono i Abenego.

Danieli 2:13

Tempono ilinuarako parenta ka domempinepate mia mponto'ori, i Danieli ka wali-walino mbo'u me'inungke ira mempinepate.

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”